Jak vybrać pravilnuju padušku i ci dapamoža masaž ad bolaŭ u šyi? Adkazvaje doktar-artapied
Doktar-artapied Rustam Ajzatulin u efiry «Jeŭraradyjo» taksama daŭ parady, jak stajać i siadzieć z karyściu dla pastavy i ci treba bajacca chrustu ŭ sustavach.
Jak vyhladaje pravilnaja pastava?
«Plečy — roŭna, ruki — prama, nohi prama. Usiudy roŭnyja vuhły», — tak pa słovach traŭmatołaha-artapieda Rustama Ajzatulina pavinna vyhladać pravilnaja pastava.
Ale, dadaje jon, trymać takuju pastavu ciažka, bo my zaŭsiody skiravanyja napierad — u ekrany, u pracu, u razmovy.
Kali čałaviek ciahniecca napierad, nachilaje šyju, napružvaje vierchniuju častku śpiny — heta stanovicca štodzionnaj zvyčkaj, jakaja farmuje niapravilnuju pastavu. A kab siadzieć roŭna, treba aktyvizavać ceły kompleks ciahlic — pres, kasyja myšcy žyvata, pramyja myšcy śpiny, padciahnuć jahadzicy. Heta patrabuje stałych namahaniaŭ.
«Heta statyčnaje myšačnaje napružańnie — i kali ŭ nas niama stereatypu pastavy, to heta niazručna», — tłumačyć Ajzatulin.
Jak chadzić i stajać kamfortna?
Na toje, jak my chodzim i staim, upłyvaje šmat anatamičnych asablivaściaŭ: stan śpiny, budova i nachił taza, kanfihuracyja tazaściehnavych sustavaŭ, vosi noh.
«Tamu dabicca niejkaj idealnaj podyumnaj chadźby my ad kožnaha čałavieka nie možam», — kaža jon. Hałoŭnaje — kamfort. Chadzić treba tak, kab nie ŭźnikała napružańnia, a stajać — z aporaj na dźvie nahi, asabliva kali jość prablemy z tazam abo pazvanočnikam.
Nie varta pieranosić vahu tolki na adnu nahu, zakidvać nahu na nahu. Kali čałaviek stamiŭsia, možna źlohku adkinucca nazad, hałoŭnaje, kab vosievaja linija pazvanočnika zastavałasia pramoj.
Što da pozy «naha na nazie», to Ajzatulin udakładniaje: «Kali vam kamfortna, kali vy nie pravodzicie tak 24/6, to kali łaska». Adnak jość istotnaje «ale». Kali ŭ čałavieka ŭžo jość parušeńni aporna-ruchalnaha aparata, to pastajannaje siadzieńnie z zakinutaju nahoj stvaraje dadatkovyja nahruzki na pazvanočnik.
«Kampjutarnaja šyja»: što ź joj rabić?
Pavodle Rustama Ajzatulina, chacia jon i nie karystajecca terminam «kampjutarnaja šyja», źjaŭleńnie hetaha paniaćcia razumieje: «U mianie taksama siarod pacyjentaŭ vielmi šmat ajcišnikaŭ i ofisnych rabotnikaŭ, jakija praktyčna ŭvieś svoj pracoŭny čas pravodziać voś u takoj pozie — z vyciahnutaj napierad šyjaj».
Pry takoj pastavie adna hrupa myšc pastajanna pieraciahvajecca, inšaja — spaźmirujecca. Heta myšačny dysbałans, jaki z časam pryvodzić da defarmacyj šyjnaha adździeła pazvanočnika i chraničnych bolaŭ.
Kab paźbiehnuć prablem, Ajzatulin raić pierad snom ci z ranicy rabić praktykavańni na myšcy zadniaj častki šyi i na myšcy-stabilizatary šyjnaha adździeła. Znajści ich možna ŭ YouTube i Instagram. Pa słovach doktara, ciapier šmat jakasnych karotkich biaspłatnych urokaŭ ad trenieraŭ i spartsmienaŭ.
Jak padabrać padušku
«Z punktu hledžańnia artapiedyi i bijamiechaniki našaha cieła pažadana, kab usio ŭ nas zastavałasia ŭ niejkich roŭnych płoskaściach i vosiach», — davodzić śpiecyjalist. Kali paduška zanadta vysokaja — hałava nachilajecca napierad, kali zanadta nizkaja — adkidvajecca nazad. I toje, i toje škodzić šyjnamu adździełu.
Dla taho, kab padabrać idealnuju padušku, pa słovach doktara, treba vymierać adlehłaść ad vucha da vierchniaha kraju plača — heta i budzie aptymalnaja vyšynia.
Jość i inšy sposab:
«Idziacie ŭ kramu. Ciapier u šmatlikich kramach možna pad siabie pamierać roznuju vyšyniu artapiedyčnych padušak. Prosta lahli na śpinu, pahladzieli ci chto-niebudź pahladzieŭ vizualna, roŭnaja śpina, nie roŭnaja, roŭnaja šyja, nie roŭnaja.
Lahli na bok, sami adčuli, hałava ŭ vas skočvajecca ŭniz, albo hałava ŭ vas padnimajecca ŭvierch. Usio vielmi prosta».
Chrust u sustavach — heta narmalna?
Pa słovach traŭmatołaha-artapieda, nie treba chvalavacca, kali adčujecie chrust u sustavach. U pieravažnaj bolšaści vypadkaŭ heta narmalna.
Naprykład, u kalennym sustavie akramia kaściej jość mieniski, kapsuła sustava, źviazki, myšcy, bakavyja ŭtrymalniki. Usie hetyja miakkija struktury mohuć pry ruchu źlohku «pieraskokvać» adna praz adnu, i heta daje charakternaje chruścieńnie ci ščoŭkańnie.
Adnak Ajzatulin papiaredžvaje: kali chrust supravadžajecca bolem, aciokam, pačućciom niestabilnaści ŭ sustavie abo jaho błakiroŭkaj — varta źviarnucca da doktara.
«Niekatoryja pacyjenty havorać, jak byccam voś niešta tam zabłakavałasia, i vielmi niajomka, niekamfortna. Potym zrabiŭ rezki ruch, jak byccam niešta ŭstała na miesca. Viadoma ž, u takich vypadkach lepš prakansultavacca sa śpiecyjalistam i zrazumieć, heta varyjant normy abo heta varyjant užo nie normy, i treba z hetym niešta rabić», — kaža jon.
Ci dapamoža z prablemami šyi i śpiny masaž?
«Kali čałaviek ceły dzień siadzić zhorbiŭšysia ŭ ofisie, i potym raptam vyrašaje, što jamu patrebny masaž, kab prajšli boli ŭ śpinie i boli ŭ šyi, to bolš zadavalnieńni atrymaje masažyst ad manietyzacyi svajoj pracy, čym pacyjent», — davodzić Rustam Ajzatulin.
Pa jaho słovach, masaž nie vypravić pastavu i nie likviduje pryčyny bolu, kali jany źviazanyja z chraničnaj nahruzkaj, słabaściu ciahlic abo niapravilnym ładam žyćcia.
«Viadoma ž, kali masažyst prafiesijanał, to pierad tym, jak pačać sieans masažu, jon pavinien pratestavać myšačnuju tkanku. Kali my bačym, što tam jość spazmavanyja hrupy myšc, kali jość sapraŭdy takija mijafascyjalnyja boli, jakija vyklikajuć niepryjemnyja pačućci, ź jakimi da ciabie pryjšoŭ čałaviek, to, viadoma ž, u hetych vypadkach možna pačać z masažu», — davodzić śpiecyjalist.
U inšych vypadkach Ajzatulin raić najpierš źviarnucca da artapieda abo fitnies-treniera, jaki dapamoža naładzić ruchavy režym.
«Na postsavieckaj prastory niejak było vielmi soramna i nie pryniata kansultavacca ź fitnies-trenierami i, dapuścim, sa spartyŭnymi daktarami. (…) A heta na samoj spravie prafiesijanały ŭ svajoj halinie. I jany časam bačać navat bolš, čym artapied», — kaža jon.
Jakaja ježa robić dobra našym myšcam i kaściam?
Dla taho, kab pryvieści siabie ŭ formu, dastatkova pamienšyć kolkaść vuhlavodaŭ, što ŭžyvajucca, i zajmacca aerobnymi dy anaerobnymi nahruzkami.
Kali ž meta — trochi pavialičyć myšačnuju masu abo zrabić cieła bolš reljefnym, to, pa słovach doktara, nieabchodna pamienšyć kolkaść vuhlavodaŭ i krychu pavialičvajuć užyvańnie białku. Ale varta razumieć, što nie ŭsim ludziam možna rekamiendavać białkovyja dyjety.
Takoje charčavańnie, adznačaje doktar, moža pryvieści da roznych prablem, naprykład, parušeńniaŭ u pracy nyrak. Tamu pierad tym, jak pačynać jakuju-niebudź dyjetu, lepš prakansultavacca sa śpiecyjalistam ci chacia b zrazumieć, ci niama ŭ vas prablem sa zdaroŭjem. I tolki paśla hetaha niešta radykalna źmianiać u racyjonie.
Ale navat prostaha źmianšeńnia spažyvańnia vuhlavodaŭ u spałučeńni ź fizičnaj aktyŭnaściu ŭžo dastatkova, kab pastupova pryvieści siabie ŭ formu.
Kalcyj, kałahien — treba pić ci nie?
Što tyčycca kalcyju, to, zaŭvažaje Ajzatulin, kaścianaja tkanka ŭsio roŭna nie zasvoić bolš, čym joj treba.
Kali čałaviek charčujeciesia narmalna, u jaho paŭnavartasny i raznastajny racyjon, to nieabchodnuju normu kalcyju jon atrymaje ź ježaj. Pry zvyčajnych fizičnych nahruzkach ničoha dadatkovaha prymać nie treba.
Ale kali vy pačali naviedvać spartzału 3—4 razy na tydzień, zajmacca pa 1,5—2 hadziny — tut užo zaležyć, jakoj mety vy chočacie dasiahnuć: schudnieć, zrabić cieła bolš reljefnym, pavialičyć tryvałaść ci niešta jašče. U takim vypadku, pa słovach śpiecyjalista, varta razhledzieć užyvańnie charčovych dabavak — užo pad kankretnuju metu.
Što tyčycca kałahienu, to, pa słovach Ajzatulina, jaho dziejańnie ŭ šerahu miedycynskich vypadkaŭ sapraŭdy dakazanaje. Naprykład, pry lačeńni jazvaŭ, apiokaŭ abo ŭ kaśmietałahičnaj praktycy.
Ale, pavodle śpiecyjalista, treba razumieć: u našym arhaniźmie i tak utrymlivajecca vialikaja kolkaść roznych typaŭ kałahienu. Jany vykonvajuć roznyja funkcyi, u zaležnaści ad tkanki.
Kali zvyčajny čałaviek pačynaje prymać kałahien jak bijadabaŭku bieź miedycynskich pakazańniaŭ, to efiektu nie budzie.
A voś u vypadku ź ludźmi, jakija zajmajucca rehularna i intensiŭna, kałahien moža spryjać pamianšeńniu myšačnaj stomlenaści i bolaŭ paśla trenirovak.
U adnoj škole praviaduć ekśpierymient: dzieci buduć vučycca stojačy
Ci škodna chrustać palcami? I čamu heta tak pryjemna? Navukoŭcy raskryvajuć sakret papularnaj zvyčki
Roŭnaja pastava moža być nie takoj karysnaj, jak zdajecca. Tłumačym, jak trymać chrybiet zdarovym
U jakoj pozie my śpim? Heta maje vializnaje značeńnie
Pamyłki baćkoŭ, jakija mohuć sapsavać dziciaci pastavu
Dla bolšaści ludziej prateinavyja dabaŭki niepatrebnyja. Ale ŭ niekatorych vypadkach jany karysnyja
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary