U 2024 hodzie Polšča vydała biełarusam na 41% mienš pieršych DNŽ i doŭhaterminovych viz
U 2024 hodzie Polšča vydała hramadzianam Biełarusi 151,1 tys. pieršych dazvołaŭ na znachodžańnie (siudy ŭvachodziać dazvoły na žyćcio i doŭhaterminovyja vizy), vynikaje sa statystyki Jeŭrastata. Heta na 41% mienš, čym u 2023 hodzie, i na 47% mienš, čym u 2022-m, piša Most.
U statystyku Jeŭrastata ŭvachodziać upieršyniu vydadzienyja dazvoły na znachodžańnie. Akramia DNŽ, u joj uličvajucca nacyjanalnyja doŭhaterminovyja vizy (typu D), jakija vydajucca na termin zvyš 90 dzion. Upieršyniu vydadzienymi ličacca dazvolnyja dakumienty, kali pamiž zakančeńniem papiaredniaha i vydačaj novaha prajšło bolš za paŭhoda.
Usiaho za 2024 hod Polšča vydała pieršyja dazvoły na znachodžańnie 488,8 tys. zamiežnikam. Heta minimalny pakazčyk za apošnija 10 hadoŭ, i jon amal na čverć mienšy, čym u 2023 hodzie. U 2024 hodzie 80,3 tys.dazvołaŭ (abo 53,1% ad usich vydadzienych) biełarusy atrymali na padstavie pracy, 4,1 tys. (2,7%) — dla vučoby, 2,1 tys. (1,4%) — pa siamiejnych abstavinach, 64,5 tys. (42,7%) — pa inšych pryčynach. Siudy mohuć uvachodzić u tym liku vizy, atrymanyja pa kartach palaka.
U asnoŭnym padzieńnie abumoŭlena skaračeńniem vydačy DNŽ i viz mienavita biełarusam. Usiaho za hod Polšča vydała na 153,9 tys. dazvołaŭ mienš, čym u 2023 hodzie, u tym liku biełarusy atrymali na 104,5 tys. dazvołaŭ mienš. Adnak takoje padzieńnie adznačajecca na fonie vysokaj bazy papiarednich hadoŭ.
Dla paraŭnańnia: ukraincy atrymali na 6% mienš dazvołaŭ na znachodžańnie, čym u 2023 hodzie, — 226,2 tys.
U cełym kolkaść dazvołaŭ, vydadzienych Polščaj zamiežnikam, skaračajecca z 2021 hoda — tady dazvoły na znachodžańnie atrymali 967,3 tys.čałaviek.
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi7
Kamientary
Ale ž i vidavočny trend urada Tuska. Polša taksama zakryvajecca ad Biełarusi i biełarusaŭ. Adnak heta nie rehijanalny trend, a možna kazać ahulny. Usie nakolki mohuć uskładniajuć mahčymaść uzajemaadnosin ź biełarusami. Usie prosta - nas zaličyli da ruskich i na tym kropka. Pakolki my nie zahinuli USIE DA ADNAHO u baraćbie z režymam i Maskvoj, i navat nie pažadali taho zrabić, to nam skazali - vas niama, vy nichto, vykreślivajem vas, čornaja plama na mapie.
Adkuli to "dazvoły na žyćcio"? Hučyć vielmi dziŭna ))