Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie
Prezident ZŠA Donald Tramp časova spyniŭ imihracyjnyja rejdy ŭ stratehična važnych halinach ekanomiki. Heta značnaje adchileńnie ad jaho žorstkaj imihracyjnaj palityki, vyklikanaje ŭzmacnieńniem hramadskaha niezadavalnieńnia i palityčnaha cisku, piša Euronews.
Pa rasparadžeńni administracyi, Słužba imihracyi i mytnaha kantrolu (ICE) časova spyniaje vysyłku nielehalnych imihrantaŭ u takich śfierach, jak sielskaja haspadarka (uklučajučy miasapierapracoŭčyja pradpryjemstvy), restarany i hateli. Pra heta stała viadoma z aficyjnaha lista, razasłanaha na minułym tydni, što paćvierdzili krynicy va ŭradzie vydańnia The New York Times.
Pres-sakratarka Ministerstva ŭnutranaj biaśpieki Tryša Makłaflin adznačyła, što viedamstva praciahnie vykonvać ukazańni prezidenta, kancentrujučysia na vydaleńni najbolš niebiaśpiečnych złačyncaŭ-nielehałaŭ z vulic.
Prypynieńnie rejdaŭ adlustroŭvaje zakłapočanaść urada niehatyŭnymi nastupstvami dla krytyčna važnych halin i mahčymaj strataj padtrymki vybarščykaŭ. Asabliva mocna zaležać ad pracy imihrantaŭ fiermierskija haspadarki ŭ Kalifornii i inšych sielskahaspadarčych štatach.
Pratesty ŭ Łos-Andželesie i inšych haradach tolki ŭzmacnili cisk na Bieły dom napiaredadni vybaraŭ u Kanhres. Chacia z momantu viartańnia Trampa da ŭłady ŭ studzieni jahonaja palityka stała jašče bolš žorstkaj — z patrabavańniem da ICE pravodzić da 3000 aryštaŭ na dzień — rezkaja aktyvizacyja rejdaŭ vyklikała kanflikt pamiž palityčnymi metami i ekanamičnaj realnaściu.
Takim čynam, prypynieńnie rejdaŭ u peŭnych siektarach — heta chutčej taktyčny krok, a nie fundamientalnaja źmiena palityki. Urad zajaŭlaje, što anałahičnyja apieracyi mohuć praciahnucca ŭ inšych halinach abo ŭ inšaj situacyi.
Nielehały? «Naša Niva» papała pad krytyku levych aktyvistaŭ za vykarystańnie vyrazu «nielehalnyja mihranty»
«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa
U niekatorych rajonach Łos-Andželesa ŭviali kamiendanckuju hadzinu
U Łos-Andželes uviedzieny padraździaleńni marskoj piachoty
Dziaržaŭnyja kanały Biełarusi vydajuć sutyčki ŭ Łos-Andželesie za «razhon mitynhoŭcaŭ»
Načalnik milicyi Brahina stralaŭ u svaju žonku. Jana cudam vyžyła9
Kamientary
- ale my ž na ich zarablajem!
- a, nu dobra, tamu pakul što pakiniem.....
Darečy, słovy "nia być skotam" - heta zusim ciapier i amierykanski łozunh...