U paniadziełak 700 marskich piechacincaŭ ZŠA prybyli ŭ Łos-Andželes dla achovy dziaržaŭnych ustanoŭ i abarony fiederalnych słužboŭcaŭ na fonie pratestaŭ suprać masavych aryštaŭ nielehalnych mihrantaŭ, piša Rasijskaja słužba Radyjo Svaboda.
Pratesty pačalisia ŭ piatnicu ŭ adnym z rajonaŭ Łos-Andželesa, dzie imihranty składajuć bolšaść nasielnictva.
Pavodle słoŭ aficyjnych pradstaŭnikoŭ Biełaha doma, rašeńnie ab uviadzieńni vojskaŭ u druhi pa vieličyni horad Złučanych Štataŭ było pryniata z pryčyny ŭzrosłaj pahrozy ŭ dačynieńni da supracoŭnikaŭ fiederalnych słužbaŭ biaśpieki i ŭradavych budynkaŭ.
Amierykanskija prezidenty nadzvyčaj redka źviartajucca da vykarystańnia vojskaŭ dla naviadzieńnia i padtrymańnia paradku ŭnutry krainy.
Apošni raz heta adbyłosia ŭ 1992 hodzie ŭ Łos-Andželesie, kudy marskija piechacincy byli ŭviedzieny pa zahadzie prezidenta Džordža Buša-starejšaha padčas masavych biesparadkaŭ, u chodzie jakich zahinuli niekalki dziasiatkaŭ čałaviek. Tady fiederalnuju dapamohu zapatrabavaŭ hubiernatar Kalifornii.
Ciapierašni hubiernatar Kalifornii Hevin Ńjusam i mer Łos-Andželesa Karen Bas nastojvajuć na tym, što ŭviadzieńnie vojskaŭ i padraździaleńniaŭ nacyjanalnaj hvardyi ŭ horad nie było nieabchodnym, što miascovaja palicyja była zdolnaja padtrymlivać paradak u horadzie, što heta miera tolki vykliča niepatrebnaje abureńnie ŭ Łos-Andželesie.
U paniadziełak Kalifornija źviarnułasia ŭ sud z pazovam ab pryznańni niezakonnymi dziejańniaŭ prezidenta ZŠA, jaki nakiravaŭ u horad častki nacyjanalnaj hvardyi. U adkaz u paniadziełak uviečary Pientahon abviaściŭ pra nakiravańnie ŭ horad jašče 2000 słužboŭcaŭ nacyjanalnaj hvardyi. Marskija piechacincy i nachvardziejcy pakul tolki niasuć achovu dziaržaŭnych ustanoŭ, nie ŭstupajučy ŭ pramy kantakt z pratestoŭcami.
Pakul pratesty ŭ Łos-Andželesie byli abmiežavanyja niekalkimi kvartałami ŭ dvuch rajonach horada. U vychadnyja pratestoŭcy spynili ruch na adnoj z hałoŭnych mahistralaŭ horada, zakidvali kamianiami palicejskija mašyny i padpalili niekalki bieśpiłotnych taksi.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
Ździŭluś krychu kali pačnie bambić
sotnia je?