U Biełarusi prapanujuć zabaranić pierachodzić čyhunačnyja rejki ŭ navušnikach
Mintrans vynies na hramadskaje abmierkavańnie prajekt źmianieńniaŭ u praviły pavodzin na čyhuncy.
Siarod navieł dla piešachodaŭ — nielha budzie pieramiaščacca praz šlachi na samakatach i srodkach piersanalnaj mabilnaści.
Vyklučeńnie składuć invalidnyja vazki. Pad zabaronu taksama mohuć trapić matabłoki, rovary i roliki.
Pry pierachodzie praz čyhunačnyja šlachi taksama prapanujuć zabaranić karystacca smartfonami i navušnikami (akramia słychavych aparataŭ). Takaja ž zabarona na navušniki praduhledžana i dla znachodžańnia na pasažyrskaj płatformie.
Novy dakumient zabaraniaje karystacca łaziernymi pakazalnikami, łavić rybu z čyhunačnaha mosta i ŭ miežach 50 mietraŭ ad jaho ŭ abodva baki. Praduhledžvaje, što paśvić žyvioł mohuć tolki asoby starejšyja za 18 hadoŭ.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary
Dadatkova zabaroniać (što važna):
- Pranikać na aharodžanyja terytoryi čyhunki, jakija nie dla absłuhoŭvańnia ludziej - naprykład, heta stancyi, akramia pieronaŭ i pierachodaŭ;
- Chavacca pad pasažyrskimi płatformami;
- Pranikać za aharodžu piešachodnych mastoŭ;
- Palić vohniščy kala čyhunak;
- Kupacca bližej za 50 mietraŭ da čyhunačnych mastoŭ.
Uvohule zabaraniajecca ruchacca ŭzdoŭž čyhunak (u pałasie advodu) "na motobłokach, motocikłach, mopiedach, viełosipiedach, samokatach, rolikovych końkach, łyžach, druhom sportivnom invientarie, a takžie s ispolzovanijem sriedstv piersonalnoj mobilnosti (za isklučienijem invalidnych kolasok)".