Adnym z 14 vyzvalenych 21 červienia z dapamohaju Kita Kiełaha, śpiecpasłańnika prezidenta ZŠA, palitviaźniaŭ — hramadzianin Polščy Ježy Žyvaleŭski. Jamu prysudzili 4 hady kałonii za ahienturnuju dziejnaść.
Ježy Žyvaleŭski — hramadzianin Polščy, jakoha ŭ Biełarusi asudzili na čatyry hady kałonii za nibyta «ahienturnuju dziejnaść». Jaho pryznali palitviaźniem, i jon staŭ pieršym palakam z takim statusam u Biełarusi.
Pachodzić Ježy ź vioski niepadalok ad biełaruskaj miažy. Pałovu žyćcia jon pravioŭ u Biełarusi, dzie ažaniŭsia ź biełaruskaj Alenaj, pabudavaŭ dom na bierazie Niomana i razam z žonkaj trymaŭ kramu ŭ Hrodnie. U siamji padrastaŭ syn, sam Ježy časta jeździŭ u Polšču da maci, dapamahaŭ joj u haspadarcy.
Siabry apisvali ŚMI jaho jak spakojnaha, pracavitaha čałavieka, jaki nie cikaviŭsia palitykaj i nie mieŭ nivodnaj začepki, kab patrapić pad abvinavačańni ŭ špijanažy.
Jon lubiŭ Hrodna, dobra viedaŭ horad i z zachapleńniem pakazvaŭ jaho haściam. Niekali jon u Polščy vałodaŭ nievialikim biźniesam i kvateraj, ale całkam pierajechaŭ u Biełaruś i žyŭ tam ščyra i spakojna. Siabry kažuć: jon byŭ ščaślivy, što žyvie ŭ Biełarusi, dzie ludzi dobryja i mientalnaść jamu blizkaja.
Žyvaleŭskaha zatrymali ŭviesnu 2022 hoda — prosta na vulicy. Paśla hetaha jaho blizkija doŭha ničoha nie viedali. Sud adbyŭsia ŭ zakrytym režymie, prysud vynies sudździa Anatol Zajac — viadomy pa palityčnych spravach. 22 sakavika 2023 hoda mužčynu asudzili da čatyroch hadoŭ pazbaŭleńnia voli.
Dziaržaŭnaja prapahanda pačała pakazvać Žyvaleŭskaha jak nibyta zavierbavanaha polskimi śpiecsłužbami pad psieŭdanimam «Pasiejdon».
Adbyvaŭ pakarańnie ŭ PK-3 «Vićba».
Žyvaleŭski mieŭsia vyjści na volu 16 žniŭnia 2025 hoda.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym5
Kamientary
Eto chorošo, čto ich osvobodili.
No takoje čuvstvo , čto riežimu eto ničieho nie stoiło, a połučit dividiendy za eto on nie małyje.