Padčas ranišniaj ataki na Izrail Iran upieršyniu vykarystaŭ balistyčnuju rakietu «Chajbar» — najnoŭšuju raspracoŭku, zajaŭlaje KVIR.
Pavodle paviedamleńnia KVIR, irancami byli zapuščanyja 40 rakiet, pryčym rakieta «Chajbar» adroźnivajecca vysokaj dakładnaściu, razburalnaj siłaj i novaj taktykaj prymianieńnia.
Rakieta maje dalnaść palotu da 2000 km i moža nieści bojehałoŭku vahoj da 1500 kh.
Iranskija vajskoŭcy zajaŭlajuć, što celami byli aeraport Bien-Huryjona, łahistyčnyja bazy, a taksama navukovyja i vajennyja abjekty na terytoryi Izraila.
Pa źviestkach Armii abarony Izraila, usiaho Iran vykarystaŭ 20—30 balistyčnych rakiet. Udary i askołki zafiksavanyja ŭ bolš jak dziesiaci nasielenych punktach, u tym liku ŭ žyłych rajonach Tel-Aviva i Chajfy.
Nie mienš za 86 čałaviek paciarpieli ŭ vyniku ranišnich rakietnych udaraŭ Irana pa Izraili, paviedamlaje The Times of Israel sa spasyłkaj na izrailskaje Ministerstva achovy zdaroŭja.
Kamientary
stralajuć pa CELACH, a nie pa METACH!!!!!!!!
"meta" - heta nie "cel"!!!!!!!!!!!!!