Nestlé zvolniła svajho hienieralnaha dyrektara za raman z padnačalenaj
Łaran Frejše byŭ kiraŭnikom karparacyi ŭsiaho hod. I pajšoŭ biez vychodnaj dapamohi.
Kampanija Nestlé niečakana zvolniła svajho hienieralnaha dyrektara Łarana Frejše za toje, što jon zavioŭ raman z padnačalenaj i nie paviedamiŭ pra heta. Jon nie atrymaje vychodnaj dapamohi.
Frejše pracavaŭ na pasadzie kiraŭnika kampanii ŭsiaho hod. Jaho pavodziny rasśledavała kamisija pad nahladam staršyni praŭleńnia Pola Bulkie, piša Reuters.
Vyśvietliłasia, što Frejše zavioŭ raman ź niepasrednaj padnačalenaj i nie paviedamiŭ pra heta, parušyŭšy kodeks dziełavych pavodzin kampanii.
«Heta było nieabchodnaje rašeńnie. Kaštoŭnaści i pryncypy kiravańnia Nestlé — heta tryvałaja asnova našaj kampanii. Ja dziakuju Łaranu za hady jaho słužby», — zajaviŭ Bulkie.
Pradstaŭnik kampanii paviedamiŭ, što infarmacyja ab mahčymych adnosinach pamiž Frejše i jaho niepasrednaj padnačalenaj upieršyniu źjaviłasia viasnoj praz unutranuju haračuju liniju kampanii. Pa jaho słovach, saviet dyrektaraŭ nieadkładna pačaŭ rasśledavańnie, jakoje, adnak, nie dało kančatkovych vynikaŭ.
Pakolki čutki nie pierastavali, kampanija raspačała druhoje rasśledavańnie pad nahladam Bulkie. Rasśledavańnie davieryli starońniaj firmie, i jano paćvierdziła słužbovy raman. Frejše spačatku admaŭlaŭ hetyja adnosiny pierad radaj dyrektaraŭ.
Niečakanaje zvalnieńnie hienieralnaha dyrektara adbyłosia roŭna praz hod paśla taho, jak Nestlé zvolniła jaho papiarednika Marka Šnajdera.
Novym hienieralnym dyrektaram najbujniejšaha vytvorcy praduktaŭ charčavańnia staŭ Filip Naŭracił, jaki ŭznačalvaŭ kavavaje padraździaleńnie kampanii Nespresso. Jon pracuje ŭ Nestlé z 2001 hoda.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta4
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2929
Kamientary
Žienat na Niestle i zamužiem za Niestle.