Padazravany ŭ zabojstvie Parubija raskazaŭ, navošta jaho zabiŭ: Heta moh być i Parašenka
Padazravany ŭ zabojstvie ŭ Lvovie eks-staršyni Viarchoŭnaj Rady Andreja Parubija raspavioŭ žurnalistam, što pryznaje svaju vinu, paviedamlajuć ukrainskija ŚMI.
«Ja pryznaju, ja jaho zabiŭ. I chaču prasić, kab mianie abmianiali na vajennapałonnych, kab ja moh pajechać i znajści cieła svajho syna», — zajaviŭ padazravany, paviedamlaje RBK-Ukraina.
Jon zajaviŭ, što heta była «jahonaja pomsta ŭkrainskaj uładzie». A na pytańnie, čamu mienavita achviaraj staŭ Parubij, jon adkazaŭ, što palityk «byŭ pobač».
I namiaknuŭ, što mahčymaj jahonaj achviaraj moh być i eks-prezident Piatro Parašenka: «Kab ja žyŭ u Vińnicy, to byŭ by Piecia».
Taksama, pavodle jaho słoŭ, raspaŭsiudžanyja ŭ miedyjach paviedamleńni pra toje, što jaho šantažavali rasijskija śpiecsłužby infarmacyjaj pra źnikłaha bieź viestak na vajnie syna, — niapraŭda.
***
Eks-staršyniu Viarchoŭnaj Rady i eks-kamiendanta Majdana, deputata ad «Jeŭrapiejskaj salidarnaści» Piatra Parašenki Andreja Parubija zabili ŭ subotu, 30 žniŭnia.
Mužčyna, apranuty ŭ formu dastaŭščyka ježy, niekalki razoŭ streliŭ u palityka i ŭciok. U noč na 1 vieraśnia jaho zatrymali.
Kiraŭnik Nacpalicyi Ivan Vyhiŭski padkreśliŭ, što hety złačynstva nie vypadkovaje, i ŭ im prysutničaje rasijski śled. U čas pieršych dopytaŭ padazravany pryznaŭsia ŭ ździajśnieńni i paviedamiŭ pra svaje kantakty z pradstaŭnikami Rasii.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary