Jeŭrapiejskim čynoŭnikam rassyłajucca paviedamleńni ad fejkavaha Cichanoŭskaha
«My ciapier na mižnarodnym forumie ŭ Bledzie. Akazałasia, niekatorym udzielnikam forumu pisaŭ «Cichanoŭski» z prapanovami supracy».
Jeŭrapiejskim palitykam i dziaržaŭnym orhanam dasyłajuć fejkavyja jemejły i paviedamleńni nibyta ad Siarhieja Cichanoŭskaha. Pra heta raskazaŭ Franak Viačorka, daradca Cichanoŭskaj.
«My ciapier na mižnarodnym forumie ŭ Bledzie. Akazałasia, niekatorym udzielnikam forumu pisaŭ «Cichanoŭski» z prapanovami supracy», — paviedamiŭ jon.
Viačorka pakazaŭ adno z takich paviedamleńniaŭ.
«Tut vydaje jak minimum napisańnie imia — Siarhiej siabie padpisvaje Sergey Tihanovski. Nu i tema, styl i podpis vyklikajuć adrazu sumnievy».
U hetych paviedamleńniach, što rassyłajucca jeŭrapiejcam, fejkavy Cichanoŭski sprabuje zaviazać kantakty.
«Vidavočna, ciapier hebe pracuje pa ŭsich frantach», — adznačyŭ Viačorka.
Raniej u prakuraturu Litvy dasyłaŭsia fejkavy list nibyta ad Cichanoŭskaha. U im patrabavali rasśledavać dziejnaść litoŭskaha deputata Vitaŭtasa Sinicy. Pryčynaj nibyta stali jaho abrazy Śviatłany i Siarhieja Cichanoŭskich.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary