Stabalnikaŭ na CT u 2025 hodzie akazałasia na 40 pracentaŭ bolš, čym letaś
U hetym hodzie na CT u Biełarusi zarehistravalisia 60 626 čałaviek, abo na 5,6 tys. bolš, čym u 2024-m. U vyniku ŭ asnoŭnyja i reziervovyja dni ekzamien napisali kala 58,5 tysiač čałaviek. Takija źviestki ahučyli pradstaŭniki Ministerstva adukacyi ŭ pres-centry Doma presy.
Najbolš papularnym pradmietam na CT stała anhlijskaja mova, jakuju zdavali bolš za 16 tys. čałaviek. U top-3 taksama fizika — 13 tys. i matematyka — 10,4 tys.
U toj ža čas vypuskniki škoł zdavali centralizavany ekzamien pa dvuch pradmietach. Jaho napisali 56 977 čałaviek. Bolš za ŭsio — ruskuju movu (46 tys.), matematyku — 19 tys. i biełaruskuju movu — kala 11 tys.
Pa vynikach CT maksimalnyja 100 bałaŭ nabrali 968 abituryjentaŭ u 983 vypadkach pa 14 pradmietach. Tolki adnamu čałavieku ŭdałosia nabrać sotniu pa troch pradmietach, pa dvuch maksimalny vynik pakazali 13 abituryjentaŭ, pa adnym — 954. Darečy, letaś stabalnikaŭ było 684, to bok na 41% mienš.
Za mabilnyja telefony ŭ hetym hodzie z CT vydalili 15 abituryjentaŭ, letaś takich parušalnikaŭ było šeść.
Što tyčycca CE, sotni nabrali 1454 vypuskniki ŭ 1604 vypadkach. Pa dva stabalnyja vyniki atrymali 150 čałaviek. Troch vydalili z ekzamienaŭ za telefony, letaś takich było dzieviać.
Sioleta 26 maja prachodzili centralizavany ekzamien pa pradmiecie na vybar dla 11-kłaśnikaŭ i CT pa pradmiecie na vybar dla vypusknikoŭ minułych hadoŭ i vypusknikoŭ kaledžaŭ. CE pa biełaruskaj abo ruskaj movie dla 11-kłaśnikaŭ i CT pa hetych ža movach dla vypusknikoŭ minułych hadoŭ i kaledžaŭ zdavali 29 maja. Akramia taho, 2 i 5 červienia prajšli CT pa pradmiecie na vybar dla ŭsich abituryjentaŭ. Taksama byli praduhledžany reziervovyja dni dla tych, chto pa ŭvažlivaj pryčynie prapuściŭ ekzamien.
U 2025 hodzie VNU Biełarusi hatovyja pryniać 48,3 tys. abituryjentaŭ, ź ich na biudžet — 31,8 tys., što na 400 bolš u paraŭnańni z papiarednim hodam. U kaledžach čakajuć 38,6 tys. čałaviek.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary