Biełaruski komik źniaŭsia ŭ sieryjale z zorkaj «Zvyšnaturalnaha». U kadry i Minsk — jak jaho bačać amierykanskija kinošniki
Stendapier Dźmitryj Saŭjan nie pieršy hod žyvie ŭ Polščy i navat amal skaryŭ polski adbor pierad letašnim Jeŭrabačańniem. A niadaŭna biełarus trapiŭ u bujny amierykanski sieryjał z Džensanam Ekłzam, zorkaj kultavaha prajekta «Zvyšnaturalnaje» (Supernatural).
Ciapierašni sieryjał, u jaki trapiŭ Saŭjan, maje nazvu Countdown («Zvarotny adlik»). Heta prajekt bujnoha stryminhavaha siervisa Amazon Prime Video.
Sieryjał pačynajecca z taho, što prosta na vulicy zabivajuć aficera amierykanskaha ministerstva ŭnutranaj biaśpieki. Rasśledavać złačynstva musić tajemnaja apieratyŭnaja hrupa, da jakoj dałučajuć detektyva palicyi Łos-Andželesa Marka Mičuma (Ekłz).
Ale ŭ druhoj sieryi my daviedvajemsia, što hetaja historyja maje bahata suviaziej ź Biełaruśsiu. Paralelna ź dziejnaściu amierykanskich apieratyŭnikaŭ nam pakazvajuć kadry ź Minska 2008 hoda, jakim jaho ŭjaŭlajuć kinošniki z ZŠA.
Tam i źjaŭlajecca Saŭjan. Jon hraje biełarusa, jaki źviazaŭsia ź niebiaśpiečnymi ludźmi i pavinien im hrošy. Anton — tak zavuć hieroja — šukaje vyratavańnie ŭ svajho brata.
Pryjemny siurpryz — u aryhinalnaj ahučcy hieroj Saŭjana, jak i jaho brat, hutarać pa-biełarusku.
Na hetym, adnak, pryjemnaje skančvajecca, bo Countdown atrymaŭ vielmi źmiešanyja vodhuki. Na płatformie IMDb sieryjał maje rejtynh 7/10, a voś na nie mienš viadomym resursie Rotten Tomatoes vynik mienš pryjemny — usiaho 31% rejtynhu pa vodhukach krytykaŭ.
«Naša Niva» — bastyjon biełaruščyny
PADTRYMAĆCiapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary