Z-za zanadta častych pajezdak dadomu časovaha dazvołu na žycharstva ŭ Litvie pazbaviŭsia pieršy hramadzianin Rasii, jašče 30 vypadkaŭ vyvučajucca, paviedamlaje Delfi.lt sa spasyłkaj na Departamient mihracyi.
U pačatku maja ŭ siłu ŭstupiła dadatkovaje pałažeńnie ab nacyjanalnych sankcyjach, jakoje zabaraniaje hramadzianam Rasii biez daj pryčyny jeździć u Rasiju ci Biełaruś čaściej za adzin raz na try miesiacy. Departamient mihracyi vyjaviŭ ahułam 34 čałavieki, jakija heta zrabili, dazvoł na žycharstva ŭ Litvie adnaho ź ich užo anulavali.
«Padčas vyśviatleńnia pryčyn vyjezdu hramadzian Rasii, jakija časta vyjazdžajuć u Rasiju ci Biełaruś, vyjaŭleny pieršy vypadak, jaki nie padpadaje pad vyklučeńni, i pryniataja pastanova ab anulavańni vydadzienaha rasijaninu časovaha dazvołu na žycharstva ŭ Litvie», — havorycca ŭ paviedamleńni.
Jašče tryccać jahonych suajčyńnikaŭ mohuć pazbavicca takich dazvołaŭ najbližejšym časam.
U dačynieńni da ich užo pačatyja pracedury anulavańnia časovych dazvołaŭ na žycharstva ŭ Litvie: vyśviatlajucca dadatkovyja abstaviny, čakajucca tłumačeńni ad samich hramadzian Rasii.
Kamientary