U vioscy pad Oršaj pry padrychtoŭcy da Dažynak źniščyli histaryčnyja budynki
U vioscy Smalany Aršanskaha rajona rychtujucca pravodzić rajonnyja Dažynki. Ale razam sa zvyčajnym uparadkavańniem tut adbyvajucca i źniščeńni histaryčnych budynkaŭ, zaŭvažyła vydańnie Orsha.eu.
U vioscy byli niekalki važnych architekturnych pomnikaŭ i šmat starych damoŭ, jakija choć i nie zaniesienyja ŭ aficyjnyja śpisy, ale majuć histaryčnuju i architekturnuju kaštoŭnaść. Adnak ciapier na zachavańnie navat aficyjnych pomnikaŭ nie chapaje srodkaŭ, nie kažučy ŭžo pra ramont inšych budynkaŭ.
Za apošniaje dziesiacihodździe ŭłady sprabavali źniščyć u Smalanach reštki byłoha daminikanskaha manastyra — ich udałosia abaranić dziakujučy ŭmiašańniu Akademii navuk. U minułym hodzie zrujnavali miascovy młyn, jaki byŭ kaštoŭny svaim abstalavańniem, a taksama stary budynak miascovaha technikuma. Ciapier ža, padčas padrychtoŭki da Dažynak, u adnu z načej, kab nie vyklikać niezadavoleńnie siarod nasielnictva, źnieśli bolš čym 100-hadovy budynak byłoha hatela.
Hety hatel pieršapačatkova byŭ pabudavany miascovym pamieščykam jak žyły dom dla pracaŭnikoŭ majontka. Pobač z domam byli stajni, jakija ŭ savieckija časy pierarabili ŭ žyłyja kvatery.
Paśla znosu hatela stajni zastalisia biez adnoj ściany. A ŭ noč z 30 červienia na 1 lipienia ŭłady źnieśli i ich. Ranicaj miascovyja žychary ŭbačyli zamiest stahadovaha budynka tolki ruiny.
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca17
Kamientary