Zatrymanych u Azierbajdžanie supracoŭnikaŭ «Sputnika» adpuścili pad padpisku ab niavyjeździe
Ich aryštavali 1 lipienia ŭ suviazi z dypłamatyčnym skandałam vakoł zatrymańniaŭ u Jekaciarynburhu, kali zahinuli dvoje azierbajdžancaŭ.
Ciapier azierbajdžanski sud adpuściŭ piaciarych zatrymanych z azierbajdžanskimi pašpartami pad padpisku ab niavyjeździe, paviedamiŭ kanał «Sputnik».
Raniej byli apublikavanyja kadry ich zatrymańnia — na niekatorych supracoŭnikach «Sputnika» byli vidać ślady źbićcia.
U Jekaciarynburhu 27 červienia 2025 hoda rasijskija siłaviki zatrymali bolš za 50 čałaviek, pieravažna vychadcaŭ z Azierbajdžana.
Pavodle Śledčaha kamiteta RF, apieracyja była źviazanaja z rasśledavańniem zabojstva 2001 hoda biznemiena Junisa Pašajeva kala kafe «Kaśpij», jakoje naležała siamji Safaravych, a taksama inšych złačynstvaŭ 2010—2011 hadoŭ.
U vyniku zatrymańniaŭ 27 červienia zahinuli braty Zijadzin i Husejn Safaravy.
Zhodna z zaklučeńniem azierbajdžanskaj ekśpiertyzy, pry vonkavym i ŭnutranym ahladzie cieł byli vyjaŭleny šmatlikija traŭmy.
«Nivodzin z bratoŭ nie byŭ zabity vostrym pradmietam abo ahniastrelnaj zbrojaj, byli naniesienyja ŭdary tupym pradmietam», — udakładniŭ Hasanaŭ.
Kamientary
bo, naprykład, "supracoŭnik" , -ka ("supracoŭnika")
Nazoŭnik u rodnym skłonie.
Kančatki -u (-ju) majuć nazoŭniki:
....sa zbornym značeńniem, nazvy hramadzkich arhanizacyjaŭ, pradpryjemstvaŭ, ustanovaŭ:
Kali b zamiest nazvy ruśkaśvietnaj prapahandystkaj kantory, havorka išła pra padarožnik Ziamli, kančatak musiŭ byŭ być -a.