Biełarus znajšoŭ redkuju manietu. Za jaje dajuć užo 18 tysiač rubloŭ, ale tarhi praciahvajucca
Na internet-placoŭcy ay.by źjaviłasia abjava ab prodažy ŭnikalnaj maniety naminałam 10 polskich hrošaj, adbitaj u 1840 hodzie. Uładalnik acaniŭ redki łot na 15 999 biełaruskich rubloŭ, piša Onliner.by.
Manieta była vypuščana Varšaŭskim manietnym dvarom. Asablivaść ekzemplara zaklučajecca ŭ materyjale — miedź. Pradaviec miarkuje, što heta mahła być probnaja čakanka, što robić manietu asabliva kaštoŭnaj. Miednyja 10 hrošaj 1840 hoda adnosiacca da katehoryi R4, što aznačaje, što isnuje mienš za dziesiać takich ekzemplaraŭ. Pry hetym anałahičnyja maniety z srebra kaštujuć značna tańniej.
Pradaviec adznačyŭ, što manieta znachodzicca ŭ dobrym stanie (VF — Very Fine), chacia i maje nievialikija ślady znosu. Dla paćvierdžańnia materyjału manietu akuratna ačyścili ad ciomnaj paciny.
Pačatkovaja cana łota składała 15 999 rubloŭ, zaraz jana pavialičana da 17 999 rubloŭ. Tarhi zaviaršajucca 8 lipienia.
Kamientary
[Zredahavana]