Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ
Pakupnikom staŭ pryvatny kalekcyjanier ź Japonii, imia jakoha nie raskryvajecca.
Aryhinalnaja sumka Hermès, jakaja naležała Džejn Birkin i stała pratatypam madeli Birkin, była pradadzienaja na aŭkcyjonie Sotheby's za 10,1 miljona dalaraŭ, staŭšy najdaražejšaj sumkaj, kali-niebudź pradadzienaj na tarhach, piša Bi-bi-si.
Pakupnikom staŭ pryvatny kalekcyjanier ź Japonii, imia jakoha nie raskryvajecca.
Papiaredni rekord naležaŭ sumcy Hermès Kelly z krakadziłavaj skury z dyjamientami, pradadzienaj na tarhach u 2021 hodzie za 513 tysiač dalaraŭ.
U paviedamleńni aŭkcyjonnaha doma havorycca, što sumka Birkin była pradadzienaja paśla prykładna 10 chvilin tarhoŭ, u jakich udzielničali dzieviać vielmi zacikaŭlenych pakupnikoŭ.
Samy žadany modny aksesuar
Čornaja skuranaja sumka była stvoranaja dla śpiavački i aktrysy Džejn Birkin u 1985 hodzie, paśla taho jak jana, siedziačy ŭ samalocie na susiednich kresłach z staršynioj praŭleńnia Hermès Žanam-Łui Dziuma, upuściła sumku, ź jakoj vysypałasia ŭsio źmieściva.
Džejn Birkin tady spytała svajho susieda, čamu modny dom nie moža rabić sumki bolšaha pamieru sa zručnymi kišeniami.
Žan-Łui Dziuma paźniej namalavaŭ eskiz žanočaj sumki, jakaja adpaviadała pažadańniam aktrysy.
Paźniej sumku z hetym dyzajnam modny dom Hermès vypuściŭ u prodaž, i hety aksesuar z časam staŭ adnym z samych paznavalnych i žadanych raskošnych aksesuaraŭ u śviecie.
U 1994 hodzie Džejn Birkin pradała svaju sumku Hermès na aŭkcyjonie, kab sabrać srodki dla dabračynnaj arhanizacyi pa baraćbie sa ŚNIDam.
Pradstaŭnica aŭkcyjonnaha doma Sotheby's Morhan Chalimi adznačyła, što cana, pa jakoj była pradadzienaja sumka, demanstruje «vialikuju siłu lehiendy» i jaje zdolnaść zaachvočvać kalekcyjanieraŭ nabyvać rečy z unikalnaj historyjaj.
«Pratatyp sumki Birkin — heta mienavita takaja reč, reč, ź jakoj pačałasia vybitnaja historyja, reč, jakaja dała nam sučasnaha idała, sumku Birkin — samuju žadanuju sumku ŭ śviecie», — skazała Chalimi.
Zaraz niekatoryja madeli Birkin kaštujuć dziasiatki tysiač dołaraŭ. Siarod uładalnic takich sumak — Kiejt Mos, Viktoryja Bekchem i Dženifier Łopies.
Kamientary