«Nie chacieli pakutavać ź biełaruskimi kartami na Booking». A ŭ vyniku ledź nie trapili na 400 jeŭra
Zabraniravać žyllo praz booking.com ź biełaruskaj kartaj — jašče toj kvest. Jość łajfchak: vybrać varyjant bieź pieradapłaty abo pasprabavać pravieści płaciež niepasredna praz hatel.
Čytačka Onliner.by Darja pasprabavała hety varyjant, ale ledź nie zastałasia biez hrošaj.
— Zabraniravali z mužam hatel u Ryzie, dobryja vodhuki, adekvatnaja cana. Braniravali śpiecyjalna bieź pieradapłaty, bo nie chacieli važdacca z pytańniami apracoŭki biełaruskich kartaŭ Booking, — raskazvaje Darja.
Ale ŭčora joj na poštu pryjšło paviedamleńnie ad hatela, u jakim jaje prasili ŭnieści pieradapłatu, kab braniravańnie nie było anulavana.
— Ja biez złoj dumki zachodžu na sajt, adkryvaju paviedamleńnie praz sajt i pierachodžu pa spasyłcy. Tam padciahvajucca ŭsie danyja braniravańnia, maje kartki, jakija byli ŭ mianie pryviazanyja da Booking, karaciej, usia infarmacyja, — apisvaje dziaŭčyna.
Paśla ŭvodu CVC-koda karty pryjšła SMS dla śpisańnia srodkaŭ, i Darja źviarnuła ŭvahu, što braniravańnie kaštuje 60 jeŭra, a ŭ SMS užo suma — 388 jeŭra.
— Nie viedaju, nakolki heta machlarstva novaje, ale ja pra takoje jašče nie čuła.
Praz prykładna hadzinu pryjšło paviedamleńnie ad hatela, dzie było napisana, što jany byli skampramietavanyja, nie pierachodźcie ni pa jakich spasyłkach i inšaje.
Darja zabłakavała kartu, hrošy ź jaje nie śpisali. Na ščaście, tam było mienš srodkaŭ, čym u jaje chacieli skraści.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»35
Kamientary