Maštabny zboj u troch biełaruskich bankach: z rachunkaŭ źnikajuć hrošy
U suviazi z techničnym zbojem, jaki adbyŭsia ŭ prahramnym kompleksie 9 lipienia, mohuć być admoŭnyja bałansy pa kartkach Biełarusbanka, Biełahraprambanka i Bielinviestbanka, papiaredžvaje Bankaŭski pracesinhavy centr.
Klijenty Biełarusbanka ŭ siecivie masava skardziacca na dziŭnyja śpisańni z rachunkaŭ. U kahości śpisała 200 rubloŭ, a ŭ kahości i ŭsio 2000. U niekatorych na bałansie ŭvohule ŭtvaryŭsia minus.
Takaja ž biada ŭ tych, chto karystajecca Biełahraprambankam.
U Biełarusbanku havorać, što heta prahramny zboj u pracesinhavym centry. Tam da kanca dnia abiacajuć usio papravić i adnavić pravilnyja bałansy na kartkach.
«Hrošy nikudy nie źnikli, nichto ich nie skraŭ. Usio budzie dobra», — zapeŭniŭ hienieralny dyrektar Bankaŭskaha pracesinhavaha centra Alaksandr Sotnikaŭ. — My viedajem, jak jaje vypravić. Nam patrebna peŭnaja kolkaść času».
Pavodle jaho słoŭ, śpiecyjalisty raźličvajuć likvidavać prablemu da 14 hadzin, i ludzi ŭbačać na svaich kartkach realnyja rešty.
Polšča pryznała Alaksandra Mašenskaha niepažadanaj asobaj27
Kamientary
U sensie, što tam jašče zastałosia?