Заморская тэрыторыя Францыі атрымае аўтаномію, але не поўную незалежнасць
Палітычныя рухі Новай Каледоніі абвясцілі аб заключэнні пагаднення аб стварэнні новай дзяржавы, але не цалкам незалежнай ад Францыі.
На ўскраіне Парыжа перамовы па Новай Каледоніі завяршыліся кампрамісам — краіне далі аўтаномію, але не поўную незалежнасць, паведамляе Politico.
Жыхары астравоў могуць мець падвойнае грамадзянства. Новай Каледоніі дэлегуюць паўнамоцтвы весці сваю палітыку ў галіне міжнародных адносін.
Цяпер гэтаму пагадненню трэба прайсці рэферэндум у Новай Каледоніі і галасаванне ў французскім парламенце.
Прэзідэнт Францыі Эмануэль Макрон напісаў у твітары, што абмеркаванні ішлі больш чым 10 дзён. Ён назваў пагадненне гістарычным.
Жыхары Ціхаакіянскага архіпелага і былой французскай калоніі даўно спрачаліся адносна будучыні сваёй краіны. Нашчадкі французаў хочуць, каб Парыж захаваў уладу, а карэнны народ канакаў імкнецца да самавызначэння.
У траўні 2024 года ў Новай Каледоніі прайшлі беспарадкі пасля таго, як парламент Францыі прыняў закон аб змене парадку выбараў у мясцовы заканадаўчы сход. Згодна з папраўкамі, права голасу атрымалі прыезджыя з Францыі, якія пражылі ў Новай Каледоніі 10 гадоў.
На рэферэндуме 2021 года ў Новай Каледоніі большасць прагаласавала за адмову ад незалежнасці ад Францыі.
Малады работнік «Мінск-Арэны» павінен заплаціць 71 мільён даляраў4
Каментары
Гэтая " Новая Каледонія " у мяня яшчэ марка паштоўка яе была . Ці я нешта пераблытаў ?