Na refierendumie ab niezaležnaści Novaj Kaledonii ad Francyi amal usie prahałasavali suprać
Vybarščyki francuzskaj zamorskaj terytoryi Novaja Kaledonija ŭ Cichim akijanie pieravažnaj bolšaściu hałasoŭ vykazalisia suprać niezaležnaści na trecim i apošnim refierendumie, jaki prajšoŭ pry nizkaj jaŭcy. Bolš za 96% žycharoŭ prahałasavali za toje, kab zastavacca ŭ składzie Francyi.
Na papiarednich dvuch refierendumach, u 2018 i 2020 hadach, praciŭniki niezaležnaści pieramahli ź mienšaj pieravahaj. Try refierendumy byli praduhledžanyja pahadnieńniem 1988 hoda z rucham za niezaležnaść astravoŭ, piša Bi-bi-si.
Prychilniki niezaležnaści prasili adkłaści ciapierašniaje hałasavańnie, zajaŭlajučy, što pandemija karanavirusa zrabiła niemahčymaj spraviadlivuju kampaniju, a taksama što karennym žycharam archipiełaha, kanakam, patrebny čas dla apłakvańnia pamierłych ad kavidu.
Nie dabiŭšysia pieranosu refierendumu, sieparatysty zaklikali bajkatavać jaho, što mahło spryjać źnižeńniu jaŭki — jana skłała ŭsiaho 43,9%. Jak paviedamlaje ahienctva «Frans Pres», jaho reparciory nazirali asabliva nizkuju jaŭku ŭ miescach kampaktnaha pražyvańnia kanakaŭ.
Prezident Francyi Emanuel Makron zajaviŭ, što «Francyja stała lepšaj, pakolki Novaja Kaledonija vyrašyła zastacca jaje častkaj».
Nie zhadaŭšy naŭprost pra bajkot refierendumu, Makron adnak pryznaŭ, što novakaledonskija vybarščyki «hłyboka raskołatyja», i vykazaŭ spačuvańni tym, chto straciŭ blizkich.
«Vyzvaliŭšysia ad binarnaha vybaru pamiž «tak» i «nie», my pavinny ciapier pabudavać ahulny prajekt, pryznajučy i pavažajučy hodnaść kožnaha», — padkreśliŭ u zapisanym videazvarocie prezident Francyi.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher33
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher3
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary