Kolki ciapier kaštuje kava — mołataja, u zierniach i raspuščalnaja? Niekatoryja ceny ździŭlajuć
Biełarusy aktyŭna abmiarkoŭvajuć padaražańnie kavy — asobnyja pakunki mohuć kaštavać da 120-150 rubloŭ. Rost cen vyklikany suśvietnym nieŭradžajem kavavaha ziernia. Pahladzieli, jak adroźnivajucca ceny na roznyja typy kavy.
Mołataja kava
Pačak mołataj kavy 500 hramaŭ u «Je-dastaŭcy» kaštuje ad 27,79 da 54,08 rubla. Samy darahi — niamiecki Dallmayr, jaki možna nabyć za 51-54 rubli. Tańniej atrymlivajecca taksama niamiecki Jacobs i italjanski Merrild — 27-39 rubloŭ.
Taki ž Merrild u Green pradajecca pa 35,96 rubla. Šviedskaja mołataja kava Lofbergs tut kaštuje pa 40 rubloŭ za 500 hramaŭ.
Kava ŭ zierniach
Paŭkiłahrama kavy ŭ zierniach u anłajn-kramie «Jeŭraopta» kaštujuć ad 38,55 da 60,55 rubla. Niamiecki Movenpick takim čynam možna nabyć za 55 rubloŭ, a italjanski Bristot, President ci Carraro Tazza D`oro — za 38-60 rubloŭ.
U Green 500 hramaŭ kavy ŭ zierniach «Miestnoje iźviestnoje» možna nabyć za 38-43 rubli. Toj ža Movenpick tut kaštuje pa 50,88 rubla, a Dallmayr ci Jacobs možna nabyć za 55-59 rubloŭ. Na źnižcy zaraz Lavazza Qualita Oro — pačak pradajecca za 66,89 rubla zamiest 119,99.
Taksama na źnižcy zaraz kava ŭ zierniach Barista ŭ kramie «Kapieječka» — tam pačak 800 hramaŭ možna nabyć za 50,99 rubla.
Raspuščalnaja kava
Raspuščalnuju kavu ŭ «Je-dastaŭcy» možna pabačyć tolki rasijskuju: 500 hramaŭ Nescafe ci Jacobs kaštujuć pa 47,99-56,99 rubla.
U Green 400 hramaŭ rasijskaha Jacobs abyducca ŭ 51,32 rubla, a 450 hramaŭ rasijskaha Nescafe — u 54,18 rubla.
Jašče adna źnižka ŭ «Kapieječcy» na raspuščalnuju kavu Fresco — 23,29 rubla za 190 hramaŭ.
A jak u susiedziaŭ?
Padaražańnie samaha papularnaha paśla vady napoju adbyvajecca pa ŭsim śviecie — za apošni hod siaredni košt jaho pavysiŭsia amal udvaja. Na heta ŭpłyvajuć pieradusim źmieny ŭ klimacie i nieŭradžaj ziernia, a taksama pošliny na impart u Amieryku — krainu z samym vysokim spažyvańniem kavy ŭ śviecie.
U Litvie 500 hramaŭ mołataj kavy Dallmayr kaštujuć kala 8-10 jeŭra (30-38 biełaruskich rubloŭ). 100 hramaŭ raspuščalnaj kavy Jacobs tam možna nabyć za 8 jeŭra. Kiłahram Lavazza Qualita ŭ zierniach — 21 jeŭra (79,7 biełaruskaha rubla). Heta ceny bieź źnižak — na akcyi (a jany ŭ kramach rehularna) kava kaštuje amal udvaja tańniej.
U Polščy pačak mołataj kavy Jacobs 500 hramaŭ pradajuć pa 36,35 złotaha (32 biełaruskija rubli), Lavazza Qualita Oro u zierniach — pa 105 złotych (93,6 biełaruskaha rubla) za kiłahram, a raspuščalnuju Nescafe Classic — pa 35 złotych (31 biełaruski rubiel) za 200 hramaŭ.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij23
Kamientary
Cieny na odin i tot žie kofie, boleje toho, iz odnoj i toj žie partii u raznych krupnych prodavcov možiet silno otličaťsia. V kommientarijach pod staťjoj, ssyłka na kotoruju dana v šapkie, nie uśpieł upomianuť o tom, čto v sieti «Ostrov čistoty i vkusa» kofie v ziornach Lavazza Oro 250 h po 17,99, kak on isčiez, a na emall ili 21vek ciena takoho žie pod 30 rub. No u Ostrova choziain iz Rośsii, hdie kofie iz-za vysokoj konkuriencii stoit horazdo diešievle, čiem v Biełarusi. Pri etom možno ułoviť zakonomiernosť v tom, čto u odnoj płoŝadki opriedielonnyj kofie po brosovoj cienie, tohda kak ostalnoj po nieadiekvatnym cienam, a na druhoj druhoj, na trieťjej płoŝadkie trietij i tak daleje, t.ie. iskusstvienno sozdavajemaja vidimosť konkuriencii, a po faktu v Biełarusi v razy dorožie, čiem u vsiech sosiediej.