Minzdaroŭja vypuściła kamientar da svajoj pastanovy ad 30 červienia. U dapamohu kiraŭnikam arhanizacyj achovy zdaroŭja raspracavana i zaćvierdžana Instrukcyja ab paradku arhanizacyi i akazańnia miedycynskaj dapamohi pry masavym pastupleńni pacyjentaŭ z traŭmami.
Taki dakumient raspracavany ŭpieršyniu dla prymianieńnia pry masavych traŭmach pacyjentaŭ padčas darožna-transpartnych i inšych zdareńniaŭ. U instrukcyi dadzieny vyznačeńni paniaćciaŭ «masavaje pastupleńnie pacyjentaŭ» u zaležnaści ad uzroŭniu arhanizacyi achovy zdaroŭja, «miedycynskaja sarciroŭka pacyjentaŭ».
Asnoŭnymi zadačami akazańnia miedycynskaj dapamohi pacyjentam z traŭmaj pry ich masavym pastupleńni ŭ arhanizacyi achovy zdaroŭja źjaŭlajucca: pryjom pacyjentaŭ, miedycynskaja sarciroŭka ŭ zaležnaści ad stanu na «čyrvony», «žoŭty» i «zialony» patoki, raźmierkavańnie pa strukturnych padraździaleńniach arhanizacyi achovy zdaroŭja, svoječasovaje vykanańnie pacyjentam nieabchodnych mierapryjemstvaŭ pa akazańni miedycynskaj dapamohi.
U pastanovie dakładna tłumačycca, jak pracuje hety koleravy padzieł:
«čyrvony» patok pacyjentaŭ — pacyjenty, jakija majuć patrebu ŭ akazańni ekstrannaj miedycynskaj dapamohi ŭ arhanizacyi achovy zdaroŭja;
«žoŭty» patok pacyjentaŭ — pacyjenty, jakija majuć patrebu ŭ akazańni nieadkładnaj miedycynskaj dapamohi ŭ arhanizacyi achovy zdaroŭja, u jakuju jany byli dastaŭleny, abo ŭ pieravodzie ŭ inšuju arhanizacyju achovy zdaroŭja, a taksama pacyjenty, što stracili zdolnaść da samastojnaha pieramiaščeńnia i samaabsłuhoŭvańnia;
«zialony» patok pacyjentaŭ — pacyjenty, jakija nie majuć patreby ŭ akazańni ekstrannaj abo nieadkładnaj miedycynskaj dapamohi i zachavali zdolnaść da samastojnaha pieramiaščeńnia i samaabsłuhoŭvańnia.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ145
Kamientary