«U žyćci kožnaha čałavieka jość učynki, što nie dadajuć jamu honaru». Stryžak prakamientavaŭ abvinavačańnie ŭ rassyłańni dykpikaŭ
Adrazu paśla vychadu artykuła, u jakim dźvie žančyny abvinavacili jaho ŭ rassyłańni dykpikaŭ, kiraŭnik Fondu salidarnaści «Bajsoł» Andrej Stryžak prakamientavaŭ jaho ŭ fejsbuku. Faktyčna jon pryznaŭ, što abvinavačańni na jaho adras majuć padstavu, i nazvaŭ svaje dziejańni «rečami, jakimi nie hanarycca».
«U žyćci kožnaha čałavieka jość jahonyja ŭčynki, što nie dadajuć jamu honaru. Ja tut nie vyklučeńnie, za sorak hadoŭ žyćcia maju ŭčynki i rašeńni, dzie ja nie mieŭ racyi.
Pa-pieršaje, nakont taho, što było ahučana ŭ materyjale «Jeŭraradyjo», ja chaču prynieści svaje vybačeńni ŭsim, kaho mahli pakryŭdzić, začapić, paturbavać maje dziejańni.
Pa-druhoje, maje dziejańni nie nieśli ŭ sabie prymusu, karystańnia słužbovym stanoviščam, imknieńnia da vyhady, ci čahości takoha. Nie źjaŭlalisia vynikam złoha namieru ci žadańnia kamuści naškodzić.
Pa-treciaje, abmierkavańnie niuansaŭ majho pryvatnaha žyćcia ja viadu z tymi ludźmi, chto źjaŭlajecca jahonaj častkaj, tamu dadatkova tut niama što abmiarkoŭvać z maim udziełam.
Nu i apošniaje, ale nie najmieńš važnaje. Kali hety dopis kamuści jašče dapamoža pieraasensavać svaje pavodziny, vybačycca pierad kimści, ja budu ličyć što maje pamyłki i praca nad imi dapamahli nia tolki mnie», — napisaŭ Andrej Stryžak.
Apytanka
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary
Andriej, nie obraŝaj vnimanije na etich nieudačnikov i nieudačnic!