Piać hučnych dykpik-skandałaŭ apošnich hadoŭ

Z raźvićciom sučasnych srodkaŭ kamunikacyi źjaviŭsia i nabyŭ šyrokaje raspaŭsiudžańnie taki fienomien jak dykpik.

Apytańnie Francuzskaha instytuta hramadskaj dumki, praviedzienaje ŭ 2018 hodzie, pakazała, što dykpiki atrymlivali 42 pracenty žančyn-karystalnic sajtaŭ znajomstvaŭ.

Zhodna z apytańniem, praviedzienym u ZŠA ŭ 2019 hodzie, takija zdymki biez papiaredniaha zapytu dasyłali 27 pracentaŭ maładych mužčyn.

U niekatorych krainach isnujuć zakony suprać rassyłki niepažadanych aholenych fatahrafij. Tak, pavodle francuzskaha zakanadaŭstva takaja praktyka moža razhladacca jak akt ekshibicyjanizmu, jaki karajecca adnym hodam pazbaŭleńnia voli i štrafam u pamiery 15 000 jeŭra. Kali atrymalnik źjaŭlajecca niepaŭnaletnim, pakarańnie moža dasiahać siami hadoŭ pazbaŭleńnia voli, a štraf — 100 000 jeŭra.

U 2019 hodzie sud horada Raan da troch hadoŭ pazbaŭleńnia voli prysudziŭ mužčynu, jaki rassyłaŭ dykpiki. Achviarami stała 49 čałaviek ad 12 da 90 hadoŭ.

Zhodna z Kryminalnym kodeksam Niderłandaŭ adpraŭka dykpika taksama ličycca seksualnym złačynstvam.

U 2018 hodzie mužčyna, jaki razasłaŭ takija fota, byŭ asudžany na 80 hadzin hramadskich prac (pałova ŭmoŭna) i musiŭ zapłacić 372 jeŭra kampiensacyi paciarpiełaj.

Z 2022 hoda niderłandskaje zakanadaŭstva praduhledžvaje da 2 miesiacaŭ turmy abo štraf da 9000 jeŭra za adpraŭku niaprošanaha dykpika.

U Hiermanii adpraŭka dykpikaŭ pryraŭnoŭvajecca da niesankcyjanavanaha raspaŭsiudu parnahrafii i karajecca pazbaŭleńniem voli na termin da adnaho hoda abo štrafam.

Adnak, niahledziačy na kryminalny pieraśled i hramadskaje asudžeńnie niekatoryja mužčyny nie mohuć siabie strymać ad hetaj nieprystojnaści.

Amierykanski palityk

U hučny palityčny skandał trapiŭ amierykanski parłamientaryj Entani Viner.

U mai 2011 hoda kanhresmien-demakrat adpraviŭ praz Twitter spasyłku na fota, dzie jon byŭ z vyraznaj erekcyjaj u trusach. Adrasatkaj stała 21-hadovaja studentka. Spačatku Viner zajaŭlaŭ, što jaho akaŭnt uzłamali, ale nieŭzabavie pryznaŭ, što fota sapraŭdy jahonaje i što jon sam jaho dasłaŭ.

Pavialičyć

Viner byŭ vymušany publična paprasić prabačeńnia. Jon pryznaŭsia ŭ tym, što mieŭ intymnyja pierapiski z prynamsi šaściu žančynami. Na fonie masavaj krytyki z boku kaleh i partyi jon pajšoŭ u adstaŭku z Kanhresu.

Adnak nieprystojnyja žadańni akazalisia macniejšyja za jaho ŭsio adno. Heta adkryłasia, kali ŭ 2013 hodzie jon vystaviŭ svaju kandydaturu na post mera Nju-Jorka. U lipieni adno ź internet-vydańniaŭ apublikavała intymnyja zdymki, jakija palityk dasłaŭ adnoj žančynie. Paźniej jon pryznaŭ, što takich žančyn było try. Jaho vybarčaja kampanija była kančatkova pravalenaja.

U 2016 hodzie žurnalisty vyjavili, što Viner praciahvaŭ sekstynh, a vydańnie Daily Mail paviedamiła, što jon dasyłaŭ intymnyja paviedamleńni 15-hadovaj dziaŭčynie. U mai 2017 hoda palityk pryznaŭ hety fakt, a ŭ vieraśni byŭ asudžany na 21 miesiac turmy i try hady kantrolu paśla vyzvaleńnia.

Jaho taksama abaviazali zarehistravacca ŭ jakaści seksualnaha złačyncy. Žonka Vinera padała na razvod jašče da taho, jak toj pryznaŭ vinu.

Francuzski mer

Druhi viadomy vypadak kanca palityčnaj karjery z-za rassyłki dykpikaŭ — heta historyja francuza Luka Lemańje.

Pavialičyć

Baćka čatyroch dziaciej, Lemańje z 2019 hady zajmaŭ pasadu mera niemałoha horada Haŭr. U pačatku 2019 hoda jaho abvinavacili ŭ nieadnarazovaj rassyłcy žančynam bieź ich zhody dykpikaŭ. Užo ŭ sakaviku palityk pajšoŭ u adstaŭku.

Niekalki žančyn dali pakazańni i apisali nieprystojnyja pavodziny. Tak adna ź ich raskazała, što paznajomiłasia ź Lemańje jašče na pačatku 2000-ch, kali ich dzieci vučylisia ŭ adnoj škole. Jon navat byŭ zaprošany na jaje viasielle. Ale ŭžo ŭ 2011 hodzie, kali mužčyna pracavaŭ u meryi, jana atrymała ad jaho čatyry intymnyja fatahrafii. Pa słovach žančyny, Lemańje patłumačyŭ svoj učynak žadańniem «pakazać, što jon adkryty dla lubych prapanovaŭ».

Pa infarmacyi žurnalistaŭ, niezdarovyja schilnaści mera dla jaho kaleh byli «tajamnicaj Pališynela». Adna z byłych deputatak haradskoj rady śćviardžała, što intymnyja zdymki ad Lemańje atrymlivali «niekalki dziasiatkaŭ» žančyn. Jašče adna śviedka, raniejšaja supracoŭnica meryi, raspaviała, što pakinuła pracu z-za «hipierseksualizavanaj atmaśfiery», jakaja panavała ŭ hetaj ustanovie.

Niderłandski futbalist

Historyja viedaje vypadki, kali rassyłka dykpikaŭ pryvodziła da kanca spartyŭnaj karjery.

Tak u 2022 hodzie z pasady dyrektara pa futbołu kłuba «Ajaks» syšoŭ Mark Oviermars. Były paŭabaronca zbornaj Niderłandaŭ i takich topavych kłubaŭ, jak «Ajaks», «Arsienał», «Barsiełona» pryznaŭsia, što adpraŭlaŭ nieprystojnyja paviedamleńni kaleham-žančynam. Pry hetym, jak minimum adna ź ich atrymała zdymak jaho hienitalij.

Pavialičyć

U nastupnym paśla sychodu z «Ajaksa» miesiacy inšy kłub — «Rojał Antvierpien» padaŭ kandydaturu Oviermasa na pasadu dyrektara pa futbole. Darma! Na tym ža tydni čatyry sponsary kłuba admovilisia ad supracoŭnictva.

U 2023 hodzie niezaležny spartyŭny trybunał Niderłandaŭ zabaraniŭ Oviermarsu zajmać lubuju pasadu ŭ hałandskim futbole na dva hady z adterminoŭkaj na adzin hod. A ŭ studzieni 2024 hoda FIFA adchiliła mužčynu ad suśvietnaha futboła na 1 hod za nieprystojnyja pavodziny.

Francuzski fihuryst

Dykpiki naškodzili i francuzskamu fihurystu, čempijonu Jeŭropy 2019 hoda ŭ parnym katańni Marhanu Sipre.

U śniežni 2019 hoda suprać fihurysta pačałosia rasśledavańnie pa abvinavačvańni ŭ tym, što jon dasłaŭ fatahrafiju svaich hienitalij 13-hadovaj dziaŭčynie, jakaja treniravałasia ź im u adnym spartyŭnym centry. Spravaju zaniaŭsia Centr biaśpiečnaha sportu ZŠA, što rasśleduje vypadki seksualnaha hvałtu ŭ alimpijskich vidach sportu.

Pavialičyć

Pavodle infarmacyi, treniery Džon Cymierman i Silvija Fantana viedali pra zdareńnie jašče napiaredadni Alimpijskich hulniaŭ 2018 hoda, ale sprabavali schavać incydent. Cymierman, jaki treniravaŭ i Sipre, i paciarpiełuju dziaŭčynku, u 2021 hodzie byŭ adchileny ad dziejnaści — jaho pryznali vinavatym va ŭtojvańni fakta hvałtu, a taksama ŭ psichałahičnym cisku i zapužvańni dziaŭčynki paśla taho, jak jon daviedaŭsia pra jaje skarhu.

Paśla pačatku skandału spartyŭnaja para Sipre / Džejms spyniła vystupleńni, a ŭ vieraśni abviaściła ab zaviaršeńni karjery. Historyja atrymała šyroki rozhałas u Francyi.

Tym nie mienš, u lipieni 2020 hoda dyscyplinarnaja kamisija Francuzskaj fiederacyi fihurnaha katańnia nie stała karać Sipre, spasłaŭšysia na toje, što nie atrymlivała aficyjnaj skarhi ad paciarpiełaj i nie maje dastatkovych «abjektyŭnych dokazaŭ», takich, jak fota ci paviedamleńni.

Adnak prakuratura štata Fłaryda (ZŠA) 8 śniežnia 2020 hoda vystaviła Sipre kryminalnaje abvinavačańnie ŭ pieradačy nieprystojnaha materyjału niepaŭnaletniaj praz elektronnyja srodki. Jamu pahražała da piaci hadoŭ turemnaha źniavoleńnia, i byŭ vydadzieny ordar na aryšt.

Na toj momant Sipre znachodziŭsia ŭ Francyi, i pytańnie ab jaho ekstradycyi zastavałasia adkrytym, bo Francyja zvyčajna nie ekstraduje svaich hramadzian. Paralelna praciahvałasia i niezaležnaje rasśledavańnie SafeSport. 

Biełaruski kiejs

Skandały z dykpikami nie abminuli i Biełaruś. U vieraśni 2023 hoda u telehram-kanale kiraŭnika kišennaj Libieralna-demakratyčnaj partyi i budučaha kandydata ŭ prezidenty Biełarusi zdaryŭsia niečakany kanfuz. U stužcy, jakaja ŭ asnoŭnym składajecca z repostaŭ łukašysckaj prapahandy, było apublikavanaje fota erehavanaha čelesa.

Pavialičyć

Hajdukievič śćviardžaŭ, što na fota nie jaho orhan. Adnak žurnalisty zaŭvažyli padabienstvy ŭ formie paznohcievych płaścin i najaŭnaści radzimki na levaj ruce na dykpiku i na raniejšych fota deputata.

Hajdukievič nie panios nijakaha pakarańnia.

A 21 lipienia hetaha hoda stała viadoma, što niekalki biełaruskich aktyvistak i pravaabaroncaŭ abvinavacili kiraŭnika Fondu salidarnaści «Bajsoł» Andreja Stryžaka ŭ adpraŭcy im dykpikaŭ. Stryžak, u adroźnieńni ad Hajdukieviča, svaju vinu pryznaŭ i paprasiŭ prabačeńnia.

• 1
• 1
• 16
• 3
• 0
• 0
• 1
• 0