«Durnaja vydumka». Makron padaŭ u sud na žančynu, jakaja nazvała jaho žonku mužčynam
Prezident Francyi Emanuel Makron i jaho žonka Bryžyt padali pazoŭ ab paklopie suprać ultrakansiervatyŭnaj błohierki i amatarki teoryj zmovy Kendys Oŭens, jakaja śćviardžaje, što žonka francuzskaha lidara naradziłasia mužčynam, piša Bi-bi-si.
Zajava na 218 staronkach padadzienaja ŭ sud amierykanskaha štata Dełaver. U joj havorycca, što Oŭens raspaŭsiudžvaje «durnuju, paklopnickuju i całkam nierealnuju vydumku».
Oŭens, jakaja maje miljony padpisčykaŭ u sacsietkach, nieadnarazova zajaŭlała, što Bryžyt Makron kaliści źmianiła poł. Jana taksama vypuściła sieryju videa pad nazvaj «Pieratvareńnie ŭ Bryžyt».
Kanśpirałahičnaja teoryja, jakaja cyrkuluje ŭ sacsietkach užo šmat hadoŭ, śćviardžaje, što pieršaja łedzi Francyi naradziłasia pad imiem Žan-Mišel Trańjo (jakoje nasamreč nosić jaje brat). Hetaja teoryja ničym nie paćvierdžanaja.
Bi-bi-si nakiravała Oŭens zapyt nakont kamientara ŭ suviazi z pazovam. Prezident Francyi i jaho žonka zajavili praz advakataŭ, što nieadnarazova prasili Oŭens admovicca ad hetych śćviardžeńniaŭ, ale «ŭ rešcie rešt pryjšli da vysnovy, što adzinym sposabam vypravić situacyju źjaŭlajecca zvarot u sud». Makrony śćviardžajuć, što Oŭens praihnaravała ŭsie dokazy iłžyvaści jaje śćviardžeńniaŭ i naŭmysna razharnuła cełuju paklopnickuju kampaniju.
Makrony abvinavačvajuć Oŭens u chłuśni jašče pa dvuch punktach: jana, zhodna z pazovam, śćviardžała, što Emanuel i Bryžyt — rodnyja svajaki, a taksama zajaŭlała, što Makron «byŭ abrany prezidentam Francyi ŭ miežach prahramy kantrolu śviadomaści, jakuju realizuje CRU».
«Kali kali-niebudź i byŭ vidavočny vypadak paklopu, dyk heta jon», — zajaviŭ advakat Tom Kłer, jaki pradstaŭlaje intaresy pary.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary