«Дурная выдумка». Макрон падаў у суд на жанчыну, якая назвала яго жонку мужчынам
Прэзідэнт Францыі Эмануэль Макрон і яго жонка Брыжыт падалі пазоў аб паклёпе супраць ультракансерватыўнай блогеркі і аматаркі тэорый змовы Кэндыс Оўэнс, якая сцвярджае, што жонка французскага лідара нарадзілася мужчынам, піша Бі-бі-сі.
Заява на 218 старонках пададзеная ў суд амерыканскага штата Дэлавэр. У ёй гаворыцца, што Оўэнс распаўсюджвае «дурную, паклёпніцкую і цалкам нерэальную выдумку».
Оўэнс, якая мае мільёны падпісчыкаў у сацсетках, неаднаразова заяўляла, што Брыжыт Макрон калісьці змяніла пол. Яна таксама выпусціла серыю відэа пад назвай «Ператварэнне ў Брыжыт».
Канспіралагічная тэорыя, якая цыркулюе ў сацсетках ужо шмат гадоў, сцвярджае, што першая лэдзі Францыі нарадзілася пад імем Жан-Мішэль Траньё (якое насамрэч носіць яе брат). Гэтая тэорыя нічым не пацверджаная.
Бі-бі-сі накіравала Оўэнс запыт наконт каментара ў сувязі з пазовам. Прэзідэнт Францыі і яго жонка заявілі праз адвакатаў, што неаднаразова прасілі Оўэнс адмовіцца ад гэтых сцвярджэнняў, але «ў рэшце рэшт прыйшлі да высновы, што адзіным спосабам выправіць сітуацыю з'яўляецца зварот у суд». Макроны сцвярджаюць, што Оўэнс праігнаравала ўсе доказы ілжывасці яе сцвярджэнняў і наўмысна разгарнула цэлую паклёпніцкую кампанію.
Макроны абвінавачваюць Оўэнс у хлусні яшчэ па двух пунктах: яна, згодна з пазовам, сцвярджала, што Эмануэль і Брыжыт — родныя сваякі, а таксама заяўляла, што Макрон «быў абраны прэзідэнтам Францыі ў межах праграмы кантролю свядомасці, якую рэалізуе ЦРУ».
«Калі калі-небудзь і быў відавочны выпадак паклёпу, дык гэта ён», — заявіў адвакат Том Клэр, які прадстаўляе інтарэсы пары.
Дэпутатка, якая рыхтуе прыгажунь для Лукашэнкі, выйшла замуж23
Каментары