U adkaz na bałbatniu Miadźviedzieva Tramp zahadaŭ pieramiaścić jadziernyja padvodnyja łodki
Prezident ZŠA Donald Tramp napisaŭ post u svajoj sacyjalnaj sietcy Truth Social, u jakim praciahnuŭ svaju raspačatuju raniej palemiku z byłym prezidentam Rasii, a ciapier namieśnikam staršyni Rady biaśpieki Dźmitryjem Miadźviedzievym. Pry hetym jon hetym razam pahražaje nie spynicca na adnych słovach.
«U suviazi ź vielmi pravakacyjnymi zajavami byłoha prezidenta Rasii Dźmitryja Miadźviedzieva, jaki ciapier źjaŭlajecca namieśnikam staršyni Rady biaśpieki Rasijskaj Fiederacyi,
ja zahadaŭ raźmiaścić dźvie jadziernyja padvodnyja łodki ŭ adpaviednych rehijonach prosta na vypadak, kali hetyja durnyja i padbuchtorvalnyja zajavy akažucca čymści bolšym, čym jany jość.
Słovy vielmi važnyja i časta mohuć pryvieści da nienaŭmysnych nastupstvaŭ. Ja spadziajusia, što hety vypadak nie budzie adnym z takich. Dziakuj za ŭvahu!», — napisaŭ Tramp.
Pierad hetym jon nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami. Toj ža ŭ adkaz vydaŭ novy zadzirysty dopis u telehramie:
«Kali niejkija słovy byłoha prezidenta Rasii vyklikajuć až takuju niervovuju reakcyju ŭ cełaha takoha hroznaha prezidenta ZŠA, značyć, Rasija va ŭsim maje racyju i praciahnie iści svajoj darohaj.
A pra «miortvuju ekanomiku» Indyi i Rasii i «zachod na niebiaśpiečnuju terytoryju» — nu, chaj uspomnić svaje lubimyja filmy pra «chadziačych mierćviakoŭ», a taksama toje, jak moža być niebiaśpiečnaja niaisnaja ŭ pryrodzie «miortvaja ruka».
Apošnimi słovami Miadźviedzieŭ namiakaŭ na sistemu «Pierymietr», jakaja na Zachadzie viadomaja jak «Miortvaja ruka» (Dead Hand), — aŭtamatyzavanuju sistemu kiravańnia jadziernym udaram u adkaz. Jaje raspracavali ŭ SSSR padčas Chałodnaj vajny, i ciapier jana taksama zastajecca ŭ vykarystańni ŭ Rasii. Jaje asnoŭnaja zadača — harantavana pieradać zahad ab zapusku stratehičnych rakiet navat tady, kali padčas nadzvyčajnaj situacyi źniščanyja suviaź ci kamandnyja centry.
Tramp nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami
Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu
Miadźviedzieŭ pra ŭltymatum Trampa: Rasii ŭsie roŭna
Tramp: Rasija z pačatku hoda straciła 112 tysiač sałdat, Ukraina — 8 tysiač
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie13
Kamientary