U Hienieralnaj prakuratury raskazali historyju pra ŭchileńnie ad armii sa ščaślivym finałam.
Usio pačałosia jašče ŭ 2021 hodzie. Małady žychar Babrujsčka atrymaŭ pozvu, ale ŭ pryznačany dzień i čas nie zchiaviŭsia. U vyniku raspačali kryminalnuju spravu za ŭchileńnie ad vajskovaj słužby.
Jak raspavioŭ małady čałaviek, u toj čas jon žyŭ u Rasii. Pieryjadyčna jaho tam zatrymlivali, ale potym adpuskali. U niejki momant jon zrazumieŭ, što takaja situacyja jaho nie zadavalniaje. Jon vyrašyŭ pryjechać u Biełaruś, kab uładkavać pytańnie.
Jon adrazu źviarnuŭsia ŭ prakuraturu i śledčyja orhany i zajaviŭ, što hatovy słužyć u armii.
Zhodna z zakanadaŭstvam, adkaznaść była zamieniena na administracyjnuju. Małady čałaviek atrymaŭ štraf 30 bazavych vieličyń (1260 rubloŭ).
Jak rastłumačyŭ prakuror Babrujska, heta stała mahčymym dziakujučy tamu, što hramadzianin dobraachvotna źjaviŭsia i napisaŭ zajavu ab žadańni addać doŭh Radzimie.
Kryminalnaja sprava spyniena, a małady čałaviek nie budzie ličycca sudzimym. U najbližejšy čas jon adpravicca ŭ armiju.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary