Što viadoma pra Paŭlučenku, jaki ŭ 2020 hodzie pieradaŭ Cichanoŭskaj skrutak z hrašyma i supravadziŭ da miažy?
Bolš za 15 hadoŭ adpracavaŭ u słužbie achovy Łukašenki.
U prapahandysckim siužecie, jaki 6 žniŭnia pakazaŭ ANT, klučavaja rola naležyć 50-hadovamu kiraŭniku Apieratyŭna-analityčnaha centra Andreju Paŭlučenku. Jon, zhodna ź filmam, byŭ u minskaj kvatery Śviatłany Cichanoŭskaj pierad jaje adjezdam i supravadžaŭ u mašynie da miažy. U adkrytych krynicach źviestak pra žyćcio hetaha čynoŭnika amal niama.
Viadoma, što da pryznačeńnia ŭ Apieratyŭna-analityčny centr u 2017 hodzie Andrej Paŭlučenka mienš za hod byŭ kiraŭnikom Słužby achovy Łukašenki. Adnak ahułam jon pracavaŭ u achovie Łukašenki ažno z 2001 hoda.
U 2016 hodzie Paŭlučenka byŭ słuchačom fakulteta padrychtoŭki i pierapadrychtoŭki Instytuta dziaržaŭnaj słužby Akademii kiravańnia pa śpiecyjalnaści «Dziełavoje administravańnie». Jakuju adukacyju jon maje, dakładna nieviadoma.
Z dapamohaj «Biełpoła» «Naša Niva» zmahła daviedacca bolš pra žyćcio čynoŭnika.
Naradziŭsia Andrej Paŭlučenka ŭ 1975 hodzie ŭ Minsku. Maje dźviuch dačok, 17-hadovuju Palinu i 14-hadovuju Maryju. Žonka, Iryna Paŭlučenka (Šarko), da naradžeńnia pieršaj dački pracavała ekanamistam u PUP «Pramsnabtechnika». Śviažejšych zapisaŭ ab miescach jaje pracy niama.
Va ŭłasnaści Paŭlučenka maje dźvie kvatery ŭ Minsku — na vulicach Skrypnikava i Viasiołkavaj.
Taksama jamu naležyć ziamielny ŭčastak u sadavodčym tavarystvie «Maja ŭciecha» pad Minskam. Heta toje samaje tavarystva, dzie za biudžetnyja hrošy pastavili sabie tualety ministr sportu Aleh Kačan i pamočnik Łukašenki pa sporcie Ihar Zaičkaŭ — i vylecieli z pasad.
U prapahandysckim filmie ANT, jaki apisvaje padziei 10 žniŭnia 2020 hoda, Paŭlučenka znachodzicca ŭ kvatery Śviatłany Cichanoŭskaj u Minsku. Tam jon pieradaje Cichanoŭskaj skrutak z hrašyma. Jon ža nie adzin raz padkreślivaje, što źbirajecca supravadzić lidarku demakratyčnych siłaŭ i kiraŭnicu jaje štaba Maryju Maroz da litoŭskaj miažy.
«Ja jamu skazała: «Vy nas padarviecie ŭ mašynie». Tamu što viedaju, jak siłaviki abychodzilisia ź inšymi apanientami ŭłady. Ja ŭltymatyŭna zajaviła, što kali jon choča, kab ja vyviezła Śviatłanu na svajoj mašynie, to sam pavinien sieści ŭ sałon i jechać z nami», — raspaviała Maroz.
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
Na kanviercie Cichanoŭskaj napisana «Miedviediu O.V.» Što heta za čałaviek?
Cichanoŭskaja: Nijakich hrošaj ja nie prasiła, mnie prosta ŭsunuli hety kanviert. Jaho da siońnia nie raśpiačatvała
«Kanviert dla Cichanoŭskaj». Hienii-łukašysty znoŭ sami siabie vykryli i vyściebali
Na ANT pakazali kadry, na jakich Andrej Paŭlučenka pieradaje niejki skrutak Cichanoŭskaj
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary