«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
Uviečary 6 žniŭnia ŭ efiry ANT pakazali siužet pra toje, jak ułady vyvozili Śviatłanu Cichanoŭskuju. Pavodle lehiendy, pryčynaj stała toje, što Pavieł Łatuška nibyta źbiraŭsia padpalić budynak abjadnanaha štaba, kali tam budzie šmat ludziej, kab byli achviary, i abvinavacić u hetym ułady. Hetuju ideju jon, pavodle viersii prapahandy, abmiarkoŭvaŭ ź nibyta kiraŭnikom słužby biaśpieki štaba Viktara Babaryki — byłym siłavikom Alaksandram Husakom.
Pa słovach pradstaŭnika kamandy Babaryki Ivana Kraŭcova, Husak nie byŭ načalnikam słužby biaśpieki, bo ŭ štaba nie isnavała takoj struktury. Pa słovach Ivana, paradak na masavych sustrečach z udziełam Cichanoŭskaj zabiaśpiečvali vałanciory, piša «Lusterka».
— Heta chutčej byŭ «atrad» z vałancioraŭ, jaki sačyŭ, kab na mitynhach nie było pravakacyj i hetak dalej, — kaža Kraŭcoŭ. — Jany sami arhanizavalisia. Čałaviek (idzie havorka pra Husaka.) pryjšoŭ, skazaŭ, maŭlaŭ, ja maju dośvied u achovie i arhanizuju ludziej, kab nie było pravakacyj. Heta ŭsprymałasia narmalna. Nijakich danych ci resursaŭ jany nie mieli.
Pavodle siužeta dziaržTB, paśla taho jak Husak nibyta daviedaŭsia pra płany Łatuški, jon źviazaŭsia z tahačasnym načalnikam HUBAZiK, a ciapier namieśnikam ministra ŭnutranych spraŭ Mikałajem Karpiankovym.
— Mnie patelefanavaŭ moj były kaleha — Husak Alaksandr Ivanavič. My ź im słužyli na pačatku 90-ch hadoŭ i padtrymlivali dobryja i siabroŭskija adnosiny, — kaža na videa sam Karpiankoŭ.
U siužecie dziaržaŭny kanał pryvioŭ karotkuju bijahrafiju Husaka. Ale ŭ joj paznačyli tolki niekalki radkoŭ: «prachodziŭ słužbu ŭ Uzbrojenych siłach i ŭ orhanach unutranych spraŭ Biełarusi. A ŭ 2020 hodzie, paśla zvalnieńnia, uznačaliŭ słužbu biaśpieki štaba Viktara Babaryki».
Z dapamohaj «Biełpoł» žurnalisty vyśvietlili, što ciapier 53-hadovy mužčyna da 2005 hoda pracavaŭ u milicyi na roznych pasadach. Byŭ staršym inśpiektaram upraŭleńnia achovy dypłamatyčnych pradstaŭnictvaŭ.
Potym zvolniŭsia na niejki čas, zatym adnaviŭsia i staŭ namieśnikam načalnika kursa ŭ Akademii MUS (u kožnaha kursa ŭ akademii jość svoj načalnik, a ŭ jaho — namieśnik). Tam jon zajmaŭsia ideałohijaj i vychavaŭčaj pracaj. Zatym pierajšoŭ va UUS na transparcie. Byŭ namieśnikam načalnika adnaho z adździełaŭ.
Ale ŭ 2005 hodzie Alaksandra Husaka zvolnili «za ździajśnieńnie złačynstva». Pavodle danych «Biełpoł», u 2003 hodzie ŭ dačynieńni da jaho było ŭzbudžana kryminalnaja sprava pa č. 6 art. 16 i č. 3 art. 233 Kryminalnaha kodeksa RB u redakcyi 1999 hoda (sadziejničańnie pradprymalnickaj dziejnaści bieź śpiecyjalnaha dazvołu abo licenzii, učynienaje hrupaj asob).
— U Minsku stvorana złačynnaja arhanizacyja, jakaja ŭklučaje ŭ siabie aŭtanomna dziejučyja hrupy, ustaloŭvaje kantrol nad cieniavoj ekanomikaj, — havorycca ŭ milicejskich dakumientach pra hetuju kryminalnuju spravu.
U vyniku 26 lipienia 2005 hoda byłoha siłavika asudzili na 2,5 hoda kałonii z kanfiskacyjaj majomaści.
Pavodle danych «Biełpoła», pa stanie na siaredzinu 2021 hoda mužčyna pracavaŭ u Biełaruskim moładzievym teatry.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy10
Kamientary
Mało toho, čto etot pridurok raz pro eto skazał, nu, dopustim, nabuchałsia i nie soobraził, čto Łatuško tohda nie był v oppozicii i był diriektorom Kupałovskoho i nie moh jeje vozhłaviť, dažie jeśli by vsie ujechali zarubiež, no piedalirovať etu tiemu?
Da, siejčas vłasti vyihryvajut vsiu pamiať o protiestach. No eto žie banalnaja informacija, vsie znajut, kohda načaliś protiesty i kohda byli vybory, i kohda Łatuško uvoliłsia, i kohda orhanizovałsia Koordinacionnyj soviet. Dažie HOSTa eto soobŝało. Ludi žie uvidiat, čto eto nahłoje vrańjo i dažie tie, kto nie był uvierien po vrańjo vłastiej, pojmut.
Kak možno tak nahło vrať?