U Biełarusi pačałasia pracedura bankructva fabryki «Hraj», jakaja zajmałasia vytvorčaściu navahodnich cacak, zaŭvažyła «Lusterka». Heta adzinaje padobnaje pradpryjemstva ŭ krainie, stvoranaje ŭ 2016 hodzie.
Pavodle infarmacyi ź Dziaržrejestra ab bankructvach, sprava była raspačataja 23 lipienia Ekanamičnym sudom Mahiloŭskaj vobłaści pa inicyjatyvie padatkovaj inśpiekcyi. Kampanija pavinna dziaržavie bolš za 51 tysiaču rubloŭ — hety doŭh nie pakryvaŭsia ŭžo bolš za paŭhoda.
Fabryka vałodaje majomaściu, u tym liku nieruchomaściu, ale jaje košt u dakumientach nie paznačany. Ciapier u dačynieńni da kampanii dziejničaje tak zvany «achoŭny pieryjad» — etap, kali vyznačajecca, ci jość padstavy dla poŭnaj pracedury bankructva. Jon moža doŭžycca da troch miesiacaŭ.
Na piku svajoj pracy fabryka «Hraj» vyrablała bolš za 500 typaŭ jołačnych upryhožańniaŭ, mnohija ź jakich raśpisvalisia ŭručnuju. U vytvorčaści byli zaniatyja kala 30 čałaviek — mastaki, dyzajniery i ramieśniki. U dzień vyrablałasia da 1,5 tysiač cacak.
Kiraŭnik pradpryjemstva Andrej Biahun raniej adznačaŭ, što kampanija śpiecyjalna stvarała nie Santa Kłaŭsaŭ, a Dziadoŭ Marozaŭ, śniehavikoŭ i hiloŭ — hetyja vobrazy, maŭlaŭ, bližejšyja biełarusam.
U 2022 hodzie fabryka jašče ličyłasia paśpiachovaj, ale paźniej jaje dachody rezka źmienšylisia, i pa vynikach hoda straty skłali bolš za 450 tysiač rubloŭ.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary