Ušakoŭ: Amierykancy zrabili nam prapanovu, jakaja nam padałasia prymalnaj
Pamočnik Uładzimira Pucina Juryj Ušakoŭ skazaŭ, što sustreča Uładzimira Pucina i Donalda Trampa adbudziecca na nastupnym tydni.
«Amierykancy zrabili nam prapanovu, jakaja nam padałasia prymalnaj», — zajaviŭ 7 žniŭnia rasijskim žurnalistam pamočnik Uładzimira Pucina Juryj Ušakoŭ.
Ušakoŭ skazaŭ, što sustreča Uładzimira Pucina i Donalda Trampa adbudziecca na nastupnym tydni. Jaje miesca ŭžo vyznačanaje, ale pakul jano nie nazyvajecca.
Učora krynicy ŭ zachodnich uradach paviedamlali, što sustreča Uitkafa z Pucinym była bolš praduktyŭnaj, čym čakałasia. Tramp 6 žniŭnia ŭviečary nieadkładna sazvaniŭsia ź Zialenskim i lidarami Jeŭropy.
Jeŭrapiejskija kiraŭniki, jakija raniej sprabavali arhanizavać pieramovy pa spynieńni ahniu va Ukrainie, pahadzilisia ź inicyjatyvaj Trampa.
Zialenski sam udzielničaŭ u hetaj razmovie i paźniej adznačyŭ, što «zdajecca, Rasija ciapier bolš schilnaja da pieramirja».
U razmovie, akramia Trampa i Zialenskaha, taksama ŭdzielničali premjer-ministr Vialikabrytanii Kir Starmier, fiederalny kancler Hiermanii Frydrych Mierc, prezident Finlandyi Alaksandr Stub, hienieralny sakratar NATA Mark Rute, vice-prezident ZŠA Džej Dzi Vens, dziaržsakratar ZŠA Marka Rubia i śpiecyjalny pasłańnik Trampa Styŭ Uitkaf, jaki siońnia sustrakaŭsia z Pucinym u Maskvie.
Niamieckaje vydańnie Bild, u svaju čarhu, napisała, što Donald Tramp stelefanavaŭsia z Frydrycham Miercam i skazaŭ, što sustreča Uitkafa była bolš praduktyŭnaj, čym čakałasia.
Čamu YouTube vydaliŭ kanały BiełTA, STB i ANT? Voś što viadoma10
Kamientary
Paśla rašučych supierrašyčych raźjušanych słoŭ ultimatuma u adkaz pačć
Nie nado D.onald.ie očarovyvatsia čtob nie razačarovyvatsia)))
Pryjści z prapanovaj Miłyj davaj načniem snačało ))
Ukraina zastajecca biez zachoplenych terytoryj i padać u sud za napad i zabojstva ukraincaŭ nie moža.
Usio na baku rf.
Vyhladaje jak zdrada.