Na ANT pakazali kadry, na jakich Andrej Paŭlučenka pieradaje niejki skrutak Cichanoŭskaj
«Voś hrošy, jakija vy prasili», — kaža pry hetym kiraŭnik Apieratyŭna-analityčnaha centra pry Łukašenku.
Dziejańnie adbyvajecca ŭ kvatery Śviatłany Cichanoŭskaj 10 žniŭnia 2020 hoda ŭ Minsku — na nastupny dzień paśla vybaraŭ, na jakich, miarkujučy pa najaŭnych kopijach pratakołaŭ učastkovych vybarčych kamisij, Cichanoŭskaja pieramahała.
U prapahandysckim siužecie śćviardžajecca, što hrošy Śviatłanie Cichanoŭskaj asabista pieradaŭ Andrej Paŭlučenka, i što jon ža zdymaŭ usio na schavanuju kamieru.
Pa słovach kiraŭnika Apieratyŭna-analityčnaha centra, jon 10 žniŭnia pa daručeńni Łukašenki pryjechaŭ u Centrvybarkam, kab razabracca z zajavaj, jakuju tudy padała Śviatłana Cichanoŭskaja. Pavodle jaho słoŭ, jana była napałochanaja i razhublenaja, nie viedała, da kaho źviarnucca, bo pačała, maŭlaŭ, razumieć, što jaje asiarodździe joj manipuluje. Adzinym jaje žadańniem było ŭbačyć svaich dziaciej, jakija tady byli za miažoj.
Paśla razmovy ŭ CVK Paŭlučenka pajechaŭ razam ź joj dadomu, kab rastłumačyć dalejšyja dziejańni. Na videa sa schavanaj kamiery vidać, jak jon daje joj bieły kanviert sa słovami: «Voś hrošy, jakija vy prasili. Kali što — źviartajciesia ŭ ambasadu».
Cichanoŭskaja spačatku nie biare kanviert, ale jon kaža joj schavać hrošy, bo chutka pryjdzie kiraŭnica jaje štaba Maryja Maroz, i heta budzie vyhladać nieprystojna. Tady jana pierakładaje kanviert na padvakońnik i nakryvaje jaho ručnikom. Što ŭnutry kanvierta — na zapisie nie vidać.
Paźniej Paŭlučenka telefanuje namieśniku ministra ŭnutranych spraŭ Hienadziu Kazakieviču i kaža, što budzie supravadžać žančyn da miažy dla ich biaśpieki. Jon taksama zhadvaje, što tahačasny kiraŭnik HUBAZiKa Mikałaj Karpiankoŭ moža jechać u inšaj mašynie. Zatym jon telefanuje pamočniku Łukašenki, kab pieradać, što ŭsie nakiroŭvajucca da miažy.
Pakazana, jak žančyny vychodziać z kvatery, sadziacca ŭ mašynu i pierasiakajuć miažu Biełarusi ź Litvoj. U kadry nie bačnyja numary aŭto i tvary ludziej.
Videa paćviardžaje, što pakul va ŭsioj Biełarusi adbyvalisia demanstracyi za sumlenny padlik hałasoŭ, Śviatłanu Cichanoŭskuju faktyčna ŭziali ŭ zakładniki siłaviki ź bližniaha koła Alaksandra Łukašenki. Jany izalavali kandydata ŭ prezidenty ad jaje kamandy — a muž, Siarhiej Cichanoŭski, tady znachodziŭsia ŭ SIZA. I vymusili pakinuć Biełaruś.
Leŭ Trocki i rospusk Ofisa Śviatłany Cichanoŭskaj
Śpiecsłužby rassyłajuć fejkavyja paviedamleńni pra apłatu ŭdziełu ŭ mitynhach. Kupiŭsia tolki błohier Virus i jahonyja siabry
Paźniak: Ofis Cichanoŭskaj lažyć hniłoj kałodaj na šlachu biełaruskaha raźvićcia i baraćby za volnuju Biełaruś
«Mnie litoŭcy skazali nie śviacicca, tamu što śpiecsłužby šukajuć, jak padabracca». Franak Viačorka pra pahrozy
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
I čto eto o čiem hovorit?
čto jesť na vidieo toho, čieho my nie znali?
fraza pro dieńhi mohła byť iznačalno rassčitana na vidieozapiś ..
NI O ČIEM!!!
👍