Daradca Trampa abvinavaciŭ Indyju ŭ finansavańni vajny Rasii suprać Ukrainy
Namieśnik kiraŭnika aparatu Biełaha doma Styvien Miler abvinavaciŭ Indyju ŭ faktyčnym finansavańni vajny Rasii suprać Ukrainy šlacham kupli nafty ŭ Maskvy, piša Reuters.
«Što jon [Donald Tramp] skazaŭ vielmi vyrazna, dyk heta toje, što dla Indyi nieprymalna praciahvać finansavać hetuju vajnu, kuplajučy naftu ŭ Rasii», — zajaviŭ Miler u efiry telekanała Fox News.
Napiaredadni ŚMI sa spasyłkaj na krynicy ŭ indyjskim uradzie paviedamlali, što Indyja praciahnie zakuplać rasijskuju naftu, niahledziačy na pahrozy prezidenta ZŠA Donalda Trampa ŭvieści druhasnyja sankcyi.
14 lipienia Tramp pryhraziŭ uvieści 100-pracentnyja pošliny dla krain, što kuplajuć rasijskuju naftu, kali Rasija nie dasiahnie mirnaha pahadnieńnia z Ukrainaj. 30 lipienia amierykanski prezident anansavaŭ 25-pracentnyja impartnyja myty dla Indyi — jon abhruntavaŭ heta, miž inšym, tym, što Indyja zakuplaje ŭ Rasii vajskovuju techniku i enierhanośbity.
Rasija źjaŭlajecca najbujniejšym pastaŭščykom nafty ŭ Indyju, zabiaśpiečvajučy kala 35% ad ahulnaha abjomu pastavak u hetuju krainu. Pavodle dadzienych Reuters, u studzieni-červieni hetaha hoda Indyja atrymlivała kala 1,75 młn barelaŭ rasijskaj nafty ŭ dzień, što na 1% bolš, čym letaś.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy16
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary