Navukoŭcy vyśvietlili, čamu ŭ Cichim akijanie vymierli miljardy marskich zorak
Navukoŭcy narešcie vyśvietlili pryčynu masavaj hibieli marskich zorak u Cichim akijanie, jakaja pačałasia jašče ŭ 2013 hodzie. Za hetyja hady źnikła kala 5 miljardaŭ asobin, a asabliva mocna paciarpieli vidy ŭzdoŭž uźbiarežža Paŭnočnaj Amieryki, piša Associated Press.
Samaja vialikaja strata nazirałasia siarod marskoj zorki-słaniečnika — bujnoha vidu z 24 ščupalcami i dyjamietram da mietra. Užo za pieršyja piać hadoŭ z pačatku epidemii kolkaść hetaha vidu skaraciłasia na 90%.
Spačatku ličyłasia, što chvarobu vyklikaje virus, ale dziakujučy dziesiacihadovym daśledavańniam stała viadoma, što sapraŭdnaj pryčynaj źjaŭlajecca bakteryja Vibrio pectenicida. Jana bje pa ŭnutranych orhanach marskich zorak, pryvodziačy da taho, što ich ščupalcy adhnivajuć, paśla čaho jany hinuć.
Ciapier navukoŭcy praviarajuć, ci mohuć niekatoryja papulacyi mieć pryrodžany imunitet da hetaha, a taksama ci dapamohuć prabijotyki pavysić ustojlivaść hetych žyvioł da chvaroby. Akramia taho, płanujecca razvodzić marskich zorak u niavoli i viartać ich u miescy, dzie jany źnikli.
Marskija zorki adyhryvajuć važnuju rolu ŭ akijanskich ekasistemach: jany jaduć marskich vožykaŭ i tym samym strymlivajuć ich praźmiernaje raspaŭsiudžvańnie, što asabliva važna dla bałansu padvodnaha žyćcia.
Ad Antarktydy adkałoŭsia vielizarny ajśbierh. Navukoŭcaŭ uraziła, što akazałasia pad im
Ziełandyja: kantynient, jaki amal całkam schavany pad vadoju
Navukoŭcy znajšli niezvyčajnyja formy žyćcia ŭ samych hłybiniach akijana. Raniej dumali, što tam uvohule nichto nie žyvie
Navukoŭcy zaniepakojenyja: zapasy presnaj vady na Ziamli skaračajucca, a ŭzrovień akijanu raście
Kamientary
raspačać, ✂; zak.
Aktyŭna prystupić da ažyćciaŭleńnia čaho-n.; uziacca za jakuju-n. spravu.
R. budaŭnictva.
Pačać karystacca čym-n.
>paražaje ŭnutranyja orhany ---- paškodžvaje