U 2023 hodzie «Vostraŭ čyścini» sutyknuŭsia z surjoznymi ciažkaściami: rezki rost arendnych stavak, prablemy z maržynalnaściu i kankurencyja z bujnymi rytejlerami pryviali da zakryćcia častki punktaŭ. U 2024 hodzie kampanii sietki pačali likvidoŭvacca i padavacca na bankructva… Potym źjaviŭsia novy ŭłaśnik. Pra toje, što ciapier adbyvajecca z «Vostravam», probusiness.io pahavaryŭ ź pieršym namieśnikam dyrektara sietki Natallaj Navumavaj.
«Na dadzieny momant sietka kram «Vostraŭ čyścini i smaku» praciahvaje pracavać u zvykłym farmacie. Zaraz užo adkryta 59 kram, raźmieščanych pa ŭsioj terytoryi Biełarusi. Jany ažyćciaŭlajuć prodaž roznych brendaŭ i praduktaŭ, uklučajučy bytavuju chimiju, pradukty charčavańnia i ałkaholnuju pradukcyju. Asablivaja ŭvaha nadajecca vybaru łakacyj dla adkryćcia kram pad brendam «Vostraŭ čyścini i smaku», pry hetym kiraŭnictva kampanii zasiarodziła namahańni na nievialikich nasielenych punktach i haradach», — skazała mieniedžar.
Pa jaje słovach handlovaja marka «Vostraŭ čyścini i smaku» naležyć biełaruskaj jurydyčnaj asobie, bienieficyjaram jakoj źjaŭlajecca adziny rezident Rasijskaj Fiederacyi — pryvatnaja asoba.
Kolišni ŭłaśnik Viktar Ramuk zaraz nie maje nijakaha dačynieńnia da sietki.
Mieniedžarka taksama skazała pra prablemu pieraadkryćcia raniejšych kram.
«Najaŭnaść začynienych kram z šyldaj «Vostraŭ čyścini» biezumoŭna ŭvodzić spažyŭcoŭ u zman i niehatyŭna ŭpłyvaje na reputacyju brenda. Situacyja ŭskładniajecca tym, što brend «Vostraŭ čyścini i smaku» naležyć nam, a rekłamnyja kanstrukcyi i šyldy źjaŭlajucca ŭłasnaściu kampanij, jakija raniej pracavali pad hetym brendam i ciapier znachodziacca ŭ pracedury konkursnaha kiravańnia (bankructva). U našych płanach — adkryćcio novych kram u łakacyjach, što adpaviadajuć abnoŭlenamu farmatu sietki, a taksama mahčymy pierazapusk pracy na starych miescach, kali jany adpaviaduć novaj kancepcyi», — kaža Natalla Navumava.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary