9 žniŭnia ŭ Varšavie na Nacyjanalnym stadyjonie projdzie maštabny kancert biełaruskaha repiera Maksa Karža, raźličany na 60 tysiač hledačoŭ, i atmaśfiera hetaha mierapryjemstva ŭ horadzie vielmi adčuvajecca, piša Reform.news.
Fanaty pačali źbiracca ŭ horadzie jašče 7 žniŭnia, ładziačy viečaryny na vulicach, u transparcie i kaviarniach. Masavyja hulańni adbylisia kala Visły, Pałaca kultury i navuki i ŭ roznych rajonach stalicy.
Uvachod na kancert pačaŭsia za dźvie hadziny da pačatku, kab usie paśpieli prajści dahlad. Niekalki vulic pierakryli i źmianili ruch transpartu dla zručnaha patoku hledačoŭ. Na mierapryjemstva zabaroniena prynosić torby luboha pamieru.
Paśla kancertu zapłanavanaja vialikaja viečarynka ŭ Laplaya Club a 22:00. Heta budzie pieršy vystup Karža ŭ 2025 hodzie i tolki druhi ŭ jaho karjery ŭ Varšavie.
Dvanaccać hadoŭ tamu jon źbiraŭ tut usiaho 500 čałaviek, a ciapier vystupić pierad dziasiatkami tysiač na hałoŭnym stadyjonie Polščy — i nivodzin inšy vykanaŭca ź Biełarusi, Rasii ci Ukrainy jašče nie źbiraŭ poŭny PGE Narodowy.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Aj...