Kamitet dziaržaŭnaha kantrolu Viciebskaj vobłaści spyniŭ raspaŭsiudžvańnie nieetyčnaj rekłamy, jakaja ŭvodziła spažyŭcoŭ u zman. Padstavaj dla pravierki stali zvaroty hramadzian.
Žychary adnaho z damoŭ u Viciebsku paviedamili, što pradstaŭniki kamiercyjnaj kampanii raskładali ŭ paštovyja skryni prapanovy pa ŭborcy padjezdaŭ. U hetych papierach, akramia rekłamy pasłuh, utrymlivalisia i źviestki nibyta pra apłatu, naprykład: «da apłaty na 26.12.2025 — 6,95 rubla».
Faktyčna hramadzianam prapanoŭvali apłacić pasłuhi, choć nijakich damoŭ na ich akazańnie z hetaj arhanizacyjaj žychary nie zaklučali. Pry hetym u «kvitancyjach» nie było poŭnaj i nieabchodnaj infarmacyi pra pasłuhu, što mahło ŭvieści ludziej u zman. Pradstaŭniki kampanii tłumačyli, što hetyja dakumienty źjaŭlalisia prapanovaj zaklučyć damovu-afiertu, a zhoda nibyta paćviardžałasia apłataj.
Takija dziejańni byli pryznanyja nieetyčnaj rekłamaj, raspaŭsiudžvańnie jakoj zabaroniena zakonam «Ab rekłamie». Kiraŭniku kamiercyjnaj kampanii było vyniesiena pradpisańnie ab niedapuščalnaści raspaŭsiudžvańnia nienaležnaj rekłamy.
Kamientary