Łukašenka raskazaŭ, čamu nie budzie płacić Trampu miljard za členstva ŭ Radzie miru
Łukašenka paśla padpisańnia dakumienta ab pryniaćci prapanovy prezidenta ZŠA Donalda Trampa adnosna dałučeńnia da zasnavanaj apošnim Rady miru patłumačyŭ, čamu nie baicca, što ŭ suviazi z hetym daviadziecca nieści vialikija materyjalnyja vydatki.
Raniej Donald Tramp zajaŭlaŭ, što kali niejkaja kraina choča być pastajannym členam Rady miru pad jahonym lidarstvam, to musić za heta zapłacić miljard dalaraŭ. Ale Łukašenku pakul što chopić i troch hadoŭ časovaha členstva.
Ź jahonych słoŭ: «Miljard patrebny, kali ty praz try hady zachočaš pracavać».
Zrešty, jon upeŭnieny, što i praz try hady kamu-kamu, a jamu płacić ničoha nie daviadziecca:
«Ale jość jašče ŭmova: kali budzieš dobra pracavać, supracoŭničać u imia miru, to i bieź miljarda možaš dalej pracavać. Ja aryjentujusia na druhoje».
16 studzienia Tramp abviaściŭ ab stvareńni Rady miru, jakaja budzie kiravać adnaŭleńniem siektara Haza. Paźniej stała viadoma, što jon zapytvaje pa miljardzie dalaraŭ ad krain, jakija chočuć atrymać pastajannaje miesca ŭ joj.
Pavodle źviestak Bloomberg, Tramp raźličvaje, što statut Rady miru padpišuć u hety čaćvier na forumie ŭ Davosie. Da ŭdziełu ŭ hetaj struktury z pakul što nie da kanca zrazumiełymi funkcyjami i paŭnamoctvami ŭžo zaprošanyja bolš za 50 kiraŭnikoŭ krain, u tym liku Alaksandr Łukašenka i Uładzimir Pucin. Niekatoryja palityki, jak prezident Francyi Emanuel Makron i prezident Ukrainy Uładzimir Zialenski, užo vykazalisia adnosna ŭdziełu ŭ Radzie miru skieptyčna, tym bolš uličvajučy jaje mierkavany piersanalny skład.
Tramp źbirajecca raspaŭsiudzić pracu Rady miru na ŭsiu płanietu
Makron u Davosie: Meta ZŠA — asłabić i padparadkavać Jeŭropu
Staŭ viadomy źmiest lista lidaraŭ Narviehii i Finlandyi, jaki vyklikaŭ rezkuju reakcyju Trampa
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Tramp patrabuje pa miljardzie dołaraŭ ad krain za pastajannaje členstva ŭ Radzie miru, jakuju jon stvaraje. Staršynioj budzie jon sam
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Miłłjard nam ???Ciabie ??? Ty nam 3 my ciabie 1 i zabyli
Uznačalvaj ..