ZŠA majuć namier złamić spažyŭcoŭ rasijskaj nafty ŭ vypadku pravału ŭrehulavańnia vajny va Ukrainie
Sienatar Lindsi Hrem u intervju NBC News zajaviŭ, što prezident Donald Tramp uviadzie sankcyi suprać spažyŭcoŭ rasijskaj nafty, kali ŭrehulavańnie vajny va Ukrainie pravalicca.
Hrem, viadomy jak adzin z hałoŭnych prychilnikaŭ Ukrainy ŭ Kanhresie, padkreśliŭ, što, na jaho dumku, Uładzimir Pucin «hrebliva stavicca» da sankcyj, ale «nie zmoža vytrymać», kali ZŠA «ŭdarać pa jaho spažyŭcach nafty».
«Usia naša meta — złamić jaho [Pucina] klijentaŭ: Indyju, Kitaj, Braziliju. <…> Heta novaja stratehija. Tramp hatovy zrabić usio mahčymaje, kab pakarać pakupnikoŭ Pucina, kali my nie zmožam pakłaści kaniec hetaj vajnie», — skazaŭ Hrem.
Donald Tramp nieadnarazova padkreślivaŭ nieabchodnaść akazać cisk na handlovych partnioraŭ Rasii, kab jany spynili kuplu jaje nafty, tym samym pierastali papaŭniać vajenny biudžet krainy i schilili Maskvu da spynieńnia ahniu va Ukrainie. Na jaho dumku, skaračeńnie dachodaŭ ad prodažu enierharesursaŭ prymusić Rasiju chutčej pajści na pieramirje.
U Kramli zajaŭlali, što ŭ Rasii vypracavaŭsia «peŭny imunitet» da sankcyj.
6 žniŭnia amierykanski prezident uvioŭ dadatkovyja mytnyja pošliny ŭ pamiery 25% dla Indyi ŭ suviazi ź jaje zakupkami rasijskaj nafty. Miery pavinny ŭstupić u siłu praz 21 dzień. Na nastupny dzień Tramp dapuściŭ mahčymaść uviadzieńnia anałahičnych pošlin jašče dla «pary krain», u tym liku Kitaja.
Niezadoŭha da hetaha śpiecpasłańnik prezidenta ZŠA Styŭ Uitkof naviedaŭ Maskvu i sustreŭsia z Uładzimiram Pucinym. Baki damovilisia ab sustrečy Trampa i Pucina ŭ piatnicu, 15 žniŭnia, na Alascy.
Ciapier čytajuć
U centry Minska tajamniča źnikła dačka dyrektara bujnoha ahrakompleksu3
Kamientary
Rašučyja sankcyi ci vielmi rašučyi ?Tarify 500 ci 1500 % praz 9 ci 49 dzien
Z Vas z Štataŭ pakul " pra siabie" paśmichajucca chutka u vočy buduć " za biazpiečny akijan" adpraŭlać