Urad Litvy abviaściŭ nadzvyčajnuju situacyju dziaržaŭnaha ŭzroŭniu na ŭsioj terytoryi krainy z-za praciahłaha daždžlivaha pieryjadu ŭ čas aktyŭnaj viehietacyi raślin. Adkaznym za praviadzieńnie nadzvyčajnych mierapryjemstvaŭ pryznačyli ministra sielskaj haspadarki.
Hetaje rašeńnie, jak miarkujecca, dazvolić bolš arhanizavana akazvać dapamohu fiermieram, jakija paciarpieli ad stychii. Kab atrymać kampiensacyju, fiermieru nieabchodna padać zajavu kiraŭniku miascovaha samakiravańnia, dadaŭšy dakumienty, što paćviardžajuć ułasnaść, pamier škody i abstaviny, źviazanyja z nadzvyčajnaj situacyjaj. Kampiensacyi buduć vypłačvacca ź dziaržaŭnych i miascovych srodkaŭ.
Da ŭradavaha rašeńnia 14 samakiravańniaŭ užo samastojna ŭviali łakalnyja nadzvyčajnyja situacyi, bo z-za lišku vilhaci zahinuła abo pahoršyłasia jakaść 50—70% uradžaju. U mnohich miescach technika nie moža zajechać u pali, tamu fiermiery nie zmohuć pasiejać azimyja, jak naležyć, da 15 žniŭnia.
Praciahłyja daždžy ŭ Litvie pačalisia jašče ŭ kancy maja 2025 hoda. Za lipień u siarednim vypała 141,4 mm apadkaŭ (168 % klimatyčnaj normy), u asobnych miescach — u 2—3 razy bolš. Lipień staŭ trecim pa vilhotnaści ŭ historyi nazirańniaŭ, a sumarnaja kolkaść apadkaŭ za červień—lipień (222,6 mm) — adnoj z najvialikšych za ŭvieś čas.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju29
Kamientary