Kremnijevaja dalina apantana idejaj «bolš razumnych dziaciej» — ajcišniki płaciać šalonyja hrošy, kab mieć dzicia z bolšym IQ
Kiraŭniki i supracoŭniki technałahičnych kampanij płaciać dziasiatki tysiač dalaraŭ dla taho, kab vybrać embryjony z samym vysokim prahnoznym IQ, pravieści hienietyčny skryninh na ryzyki chvarob i navat znajści partniora z vydatnymi intelektualnymi zdolnaściami.
Vydańnie The Wall Street Journal piša pra novuju tendencyju ŭ Kremnijevaj dalinie: bahatyja pradstaŭniki techsiektaru ŭsio čaściej źviartajucca da hienietyčnych technałohij, kab śviadoma ŭpłyvać na intelekt budučych dziaciej. Ad darahich testaŭ embryjonaŭ i acenki ich patencyjnaha IQ da pasłuh elitnych prafiesijnych svatoŭ, jakija padbirajuć «razumnych» partnioraŭ, — usio heta stanovicca častkaj industryi, što abiacaje stvaryć pakaleńnie naščadkaŭ z maksimalnymi kahnityŭnymi zdolnaściami.
Viera ŭ hienietyčnuju aptymizacyju
Jak piša WSJ, ideja hienietyčnaj aptymizacyi adlustroŭvaje hłybokuju vieru ŭ suviaź pamiž intelektam i pośpiecham. Mnohija technałahičnyja lidary ŭpeŭnienyja, što dasiahnuli pośpiechu dziakujučy svaim dobrym hienam, i ciapier chočuć naŭmysna pieradać hetuju pieravahu dzieciam. Futurysty, takija jak Iłan Mask, zaklikajuć intelektualna adoranych ludziej mieć bolš dziaciej.
Asnoŭnym instrumientam stanoviacca novyja hienietyčnyja testy dla acenki embryjonaŭ, u tym liku na pakazčyki, źviazanyja ź intelektam. Kampanija Genomic Prediction (adna ź pieršych u hetaj halinie) razam z Nucleus Genomics i Herasight prapanujuć pasłuhi pa prahnazavańni IQ. Košt składaje kala $6 000 u Nucleus i da $50 000 u Herasight.
Pavodle Styviena Siu z kampanii Genomic Prediction, sfarmiravałasia cełaja ekasistema zamožnych i racyjanalistaŭ, jakija chočuć viedać IQ embryjona, kab vybrać najlepšaha. U Kremnijevaj dalinie, dzie IQ ličycca kaštoŭnym kapitałam, popyt asabliva vysoki.
Siarod tych, chto źviarnuŭsia da hienietyčnaha teściravańnia, vyłučajucca Simona i Małkalm Kolinz — aktyŭnyja ŭdzielniki ruchu, jaki zaachvočvaje mieć šmat dziaciej. Hetaja para, jakaja raniej pracavała ŭ technałahičnaj i vienčurnaj industryjach, užo vychavała čatyroch dziaciej, narodžanych z dapamohaj EKA. Dla vybaru embryjonaŭ jany skarystalisia pasłuhami kampanii Herasight.
Simona Kolinz raskazała, što jany z mužam abrali embryjon dla ciapierašniaj ciažarnaści, u pieršuju čarhu, praź nizkuju ryzyku raźvićcia raku. Adnak jany byli ŭ zachapleńni i ad taho, što hety embryjon, pavodle palihiennaj acenki, akazaŭsia lepšy za 99% inšych embryjonaŭ pa vierahodnaści vyklučna vysokich intelektualnych zdolnaściej.
U razmovie z žurnalistami Kolinz zaŭvažyła, što vysoki intelekt choć i źviazany ź pieravahami, takimi jak bolš vysoki dachod, nie źjaŭlajecca adzinym važnym faktaram dla pośpiechu. Jana b chacieła, kab hienietyčnyja testy mahli aceńvać takija rysy, jak ambicyjnaść, upartaść i cikaŭnaść, bo, na jaje dumku, hetyja jakaści značna važniejšyja za prosta zdolnaści.
Inšyja baćki naŭmysna iduć na EKA bieź miedycynskaj nieabchodnaści. Tak, adna para prahramistaŭ, ź jakoj sustrelisia aŭtary, raskazała, što takim čynam chacieła pamienšyć ryzyki takich chvarob, jak chvaroba Alchiejmiera i rak, a taksama mieć dzicia z bolš vysokim IQ.
Atrymaŭšy vyniki ad Herasight, jany stvaryli sumiesnuju Google-tablicu, u jakoj aceńvali ryzyki i pieravahi, vyznačajučy, kolki dadatkovych bałaŭ IQ varta nievialikaha pavyšeńnia ryzyki niejkaj chvaroby. U vyniku jany abrali embryjon z najlepšym ahulnym bałam — ciapier heta ich dačka.
Navukoŭcy papiaredžvajuć, što prahnozy IQ pa hienach pakul niedakładnyja. Pavodle Šaja Karmi ź Jaŭrejskaha ŭniviersiteta ŭ Ijerusalimie, madeli tłumačać tolki 5—10% roźnicy ŭ kahnityŭnych zdolnaściach, i vybar pa IQ moža dadać u siarednim 3—4 bały ŭ paraŭnańni z vypadkovym vybaram. «Heta nie zrobić dzicia vunderkindam», — padkreślivaje jon.
Jość i niepažadanyja pabočnyja efiekty. Jak adznačaje hienietyk Saša Husieŭ z Harvardskaj miedycynskaj škoły, vybirajučy najlepšy pa IQ embryjon, baćki mohuć niezaŭvažna pavialičyć ryzyku inšych chvarob, naprykład, aŭtyzmu.
Pošuk partniora — heta nie tolki pra kachańnie
Isnujuć i tradycyjnyja šlachi atrymać «razumnaje» dzicia — naprykład, šlacham adukacyi ci vybaru bolš intelektualnaha partniora. Ale ŭ dalinie navat hety praces kamiercyjalizavany: darahija šlubnyja ahienctvy padbirajuć partnioraŭ pa intelektualnych kryteryjach.
Jak pryznajecca svaćcia Dženifier Daneli, jakaja biare za svaje pasłuhi 500 tysiač dalaraŭ, jaje klijenty pastajanna abmiarkoŭvajuć intelekt i vysoki IQ. U jaje zaraz try klijenty-CEO, i ŭsie jany imknucca znajści partniora siarod vypusknikoŭ univiersitetaŭ, što ŭvachodziać u Lihu Plušču.
«Jany chočuć vychavać paśpiachovych dziaciej, tamu dumajuć nie tolki pra kachańnie, ale i pra hienietyku, adukacyjnyja vyniki i spadčynu», — patłumačyć Daneli.
Hienii vyratujuć čałaviectva
Adnoj z samych niečakanych matyvacyj źjaŭlajecca strach pierad štučnym intelektam (ŠI).
Udzielniki niekamiercyjnaj inicyjatyvy Berkeley Genomics Project, jakaja padtrymlivaje daśledavańni ŭ śfiery hienietyčnaha adboru i pavyšeńnia intelektu, ličyć, što ŠI moža źniščyć čałaviectva.
Jaje suzasnavalnik matematyk Ćvi Biensan-Ciłsen raniej vyvučaŭ ryzyki ŠI i pryjšoŭ da vysnovy, što nadziejna praduchilić pahrozu pakul niemahčyma. Tamu jon pieraklučyŭsia na prasoŭvańnie technałohij, zdolnych pavysić intelekt ludziej.
Mužčyna padkreślivaje: heta dobraachvotny vybar baćkoŭ, a nie prymusovyja prahramy «adboru», jakija ŭ minułym praktykavali niekatoryja dziaržavy. Jon vieryć, što bolš razumnyja ludzi zdolejuć albo prymusić ŠI adpaviadać čałaviečym kaštoŭnaściam, albo pierakanać śviet admovicca ad jaho stvareńnia.
Kamientary
Śmiešna.
Niachaj hetyja zackavanyja blednyja batany voźmuć sabie ŭ žonki paŭnakroŭnych čornych žančyn z płantacyj. Ranicaj jany buduć nakormleny i zadavoleny, i kožny dzień ich pracazdolnaść budzie maksimalna pavyšana ad zadavalnieńnia paśla haračaj ekvataryjalnaj nočy ŭ styli buhi.
A ŠI treba prosta zabaranić. Da tych, chto nie pasłuchajecca, treba dasłać kałumbijskich prafiesijanałaŭ. Nie asoba intelektualnych, ale efiektyŭnych matacyklistaŭ z Uzi.
I zaviazvajcie z hetaj Gattacaj dla impatentaŭ!