U katalickuju duchoŭnuju sieminaryju ŭ Hrodnie sioleta pastupiła rekordnaja kolkaść chłopcaŭ. Čverć — z uschodnich abłaściej
U Hrodzienskaj miždyjacezijalnaj vyšejšaj duchoŭnaj sieminaryi — adzinaj u Biełarusi, dzie rychtujuć katalickich śviataroŭ, — 12 žniŭnia prajšli ŭstupnyja ekzamieny. Pa zdymkach, apublikavanych biskupami i dekanatami, stała viadoma, što sioleta pryniali 11 novych studentaŭ, piša Katolik.life.
Heta novy rekord apošnich hadoŭ: letaś było 10 abituryjentaŭ, a dva hady tamu — tolki 4. Viadoma, što siarod zaličanych — chłopiec z parafii ŭ Iŭi. Ažno troje z uschodniaj častki Biełarusi, što niezvyčajna: dvoje — z Homiela, a adzin z Babrujska.
Biskupy adznačajuć, što pryjezd kandydataŭ z rehijonaŭ, dzie daŭno nie było novych sieminarystaŭ, — važnaja padzieja. Jany zaklikali viernikaŭ malicca za hetych chłopcaŭ, kab tyja zachavali svajo paklikańnie i dajšli da śviatarstva.
Kamientary