Ultrapravaja «Alternatyva dla Hiermanii» ŭznačaliła rejtynh papularnaści ŭ Hiermanii, pavodle novaha siensacyjnaha apytańnia, piša Politico.
Kali b ahulnanacyjanalnyja vybary adbylisia najbližejšym časam, to 26% niemcaŭ prahałasavali b za «AdH», śviedčać apytańnie praviedzienaje instytutam sacyjalnych daśledavańniaŭ i statystyčnaha analizu Forsa.
Hety vynik stavić ultrapravuju partyju napieradzie kansiervatyŭnaha błoka kanclera Hiermanii Frydrycha Mierca, jaki apuściŭsia na druhoje miesca z 24 pracentami padtrymki ŭ apytańni.
Ciapier AdH źjaŭlajecca najbujniejšaj apazicyjnaj partyjaj u niamieckim Bundestahu. Na čale z Alisaj Vajdel AdH prasoŭvaje žorstkija antymihranckija i pravyja papulisckija pazicyi. Niekatoryja palityki zajaŭlajuć, što partyja nastolki radykalnaja, što jaje varta zabaranić u adpaviednaści z pałažeńniami niamieckaj kanstytucyi, pryznačanymi dla praduchileńnia paŭtareńnia nacysckaha minułaha krainy.
Apytańnie Forsa pakazała, što, zasiarodžvajučysia na pytańniach zamiežnaj palityki, takich jak vajna va Ukrainie i stasunki Jeŭropy z ZŠA pry prezidenctvie Donalda Trampa, Mierc usio bolš hublaje padtrymku na ŭnutranaj arenie.
Bolšaść niemcaŭ niezadavolenyja jaho kanclerstvam: 67% zajavili, što nie zadavolenyja jaho pracaj paśla 100 dzion na pasadzie, śviedčyć apytańnie.
Nastupnyja fiederalnyja vybary ŭ Hiermanii adbuducca ŭ 2029 hodzie.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary