Ceny na aŭtobusnyja bilety ź Minska ŭ Vilniu imkliva padskočyli za dzień
Jašče niadaŭna dabracca ź biełaruskaj stalicy ŭ litoŭskuju možna było za 190 rubloŭ. Kolki kaštuje ciapier?
Na biełaruskim servisie pa prodažy biletaŭ atlasbus.by kvitki na aŭtobus ź Minska ŭ Vilniu ciapier kaštujuć ad 250 rubloŭ, choć jašče ŭčora byli pa 220 rubloŭ, a na minułym tydni — pa 190 rubloŭ.
Bližejšaja data vyjezdu, na jakuju možna nabyć bilet, — 22 žniŭnia. Kvitki ŭ zvarotnym kirunku kaštujuć ad 200 rubloŭ, a bližejšaja data vyjezdu na 14 žniŭnia.
Pieravozčyk Ecolines taksama padniaŭ ceny. Kali ŭ aŭtorak bilety byli pa 65 jeŭra, to ad siońnia ŭžo pa 75 jeŭra (kala 260 rubloŭ).
Bližejšyja bilety ź Vilni jość na 14 žniŭnia, ź Minska — na 22 žniŭnia.
U Ecolines ceny na bilety adnolkavyja niezaležna ad kirunku.
U Eurolines kvitki kaštujuć ad 63 da 72 jeŭra (220-250 rubloŭ).
Bližejšyja kvitki na vyjezd ź Minska jość na 22 žniŭnia, a ź Vilni ŭ Minsk — na 20 žniŭnia.
Paśla vymušanaj admieny 75% rejsaŭ pa hetym kirunku, litoŭski pieravozčyk Eurolines pastaviŭ na maršrut Vilnia — Minsk dvuchpaviarchovyja aŭtobusy.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
za kifirčykam zhaniaú , adpačyvaju