Homielskaja čynoŭnica adsudziła ŭ pracadaŭcy 10 tysiač dołaraŭ i raskryła svoj zarobak. Vierahodna, pazoŭ apłaciać z haradskoha biudžetu
Homielski abłasny sud razhladzieŭ pazoŭ byłoj kiraŭnicy dziaržaŭnaj ustanovy «Homielski haradski centr pa zabieśpiačeńni dziejnaści biudžetnych arhanizacyj u śfiery fizičnaj kultury i sportu». Akazałasia, što ŭ takoj dziŭnaj ustanovie z sumnieŭnaj karysnaściu płacili niakiepskija hrošy. A kampiensacyja budzie jašče lepšaj, zaŭvažyŭ «Fłahštok».
Pa rašeńni harvykankama naprykancy 2024 hoda hety Centr byŭ rearhanizavany ŭ, imavierna, nie mienš karysny «Homielski haradski centr pa zabieśpiačeńni dziejnaści biudžetnych arhanizacyj». Byłaja kiraŭnica, kantrakt jakoj zakančvaŭsia tolki ŭ sakaviku 2025 hoda, zastałasia biez pasady.
Joj prapanavali inšaje miesca, ale nie na pasadzie dziaržaŭnaha słužačaha, tamu čynoŭnica admoviłasia ad takoha varyjanta.
U sudzie Centralnaha rajona Homiela, jaki razhladaŭ jaje hramadzianskuju spravu, čynoŭnica damahłasia pryznańnia taho, što zvalnieńnie było zroblena «z parušeńniem paradku i ŭmoŭ spynieńnia pracoŭnaha dahavora, u siłu čaho źjaŭlajecca niezakonnym», havorycca ŭ infarmacyi suda.
Iścica patrabavała adnaŭleńnia na pracy, ale pakolki ŭstanovy, jakuju jana ŭznačalvała, užo nie isnuje, zamiest hetaha sud prapanavaŭ spahnać z rearhanizavanaj dziaržustanovy na karyść iścicy dziesiacirazovy siaredniemiesiačny zarobak u pamiery 32 396,5 rubla i admović u adnaŭleńni na pracy. Iścica pahadziłasia z takoj prapanovaj.
Atrymlivajecca, što jaje miesiačny zarobak na kaniec 2024 hoda składaŭ amal 3 240 rubloŭ — heta bolš za 1 tysiaču dołaraŭ.
Ciapier vypłačvać byłoj čynoŭnicy sumu bolš za 10 tysiač dołaraŭ u ekvivalencie daviadziecca «Homielskamu haradskomu centru pa zabieśpiačeńni dziejnaści biudžetnych arhanizacyj», to bok hrošy na apłatu, vierahodna, voźmuć z haradskoha biudžetu.
Cikava, što na takoje rašeńnie rajonnaha suda prakuror padavaŭ pratest, a adkazčyk — skarhu. Ale abłasny sud pakinuŭ rašeńnie ŭ sile.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia3
Kamientary