Biełarus zabiŭ rasijskaha sudździu, a paśla adrezaŭ jamu pienis i zasunuŭ u rot trupu
Siarhiej Kibalnikaŭ naradziŭsia ŭ Smarhoni, a jahonaja žonka z Homiela. Aboje majuć rasijskaje hramadzianstva.
14 žniŭnia ŭ rasijskim horadzie Kamyšyn (Vałhahradskaja vobłaść) byŭ zabity fiederalny sudździa Vasil Viatłuhin. Zabojcam akazaŭsia biełarus Siarhiej Kibalnikaŭ.
Kibalnikaŭ dačakaŭsia, sudździa vyjdzie z pracy i siadzie ŭ mašynu. Paśla hetaha jon zabłakavaŭ aŭtamabil i niekalki razoŭ vystreliŭ u akno kiroŭcy. Kala Viatłuhin sprabavaŭ uciačy, napadnik dabiŭ jaho na prajeznaj častcy, adrezaŭ jamu pienis i ŭstaviŭ jaho ŭ rot achviary. Paśla čaho ŭvatknuŭ nož u voka i zdaŭsia palicyi.
Pa źviestkach rasijskich ŚMI, matyvam była reŭnaść — Kibalnikaŭ daviedaŭsia, što ŭ jahonaj žonki Aleny raman z sudździoj. «Ahienctva» vyśvietliła, što žančyna taksama rodam ź Biełarusi.
Chto takija Siarhiej i Alena Kibalnikavy?
Siarhieju Kibalnikavu 47 hadoŭ. Jon naradziŭsia ŭ Smarhoni Hrodzienskaj vobłaści. Ale nieŭzabavie paśla škoły pierajechaŭ u Rasiju. Na 2003 hod jon užo byŭ hramadzianinam hetaj krainy i adkryŭ tam IP.
Biełarus žyŭ u Kamyšynie, zajmaŭsia śfieraj pieravozak, byŭ suzasnavalnikam niekalkich firmaŭ i pracavaŭ kiroŭcam i ekśpiedytaram. Maje pravy katehoryjaŭ ad B da DE — to-bok moh kiravać navat aŭtobusami z pryčepam.
Vidać, raniej biznes išoŭ tak sabie. U 2008 suprać Kibalnikava pačali spravu za toje, što jon nie płaciŭ kredyt na $22500, a ahułam na jaho adkryvali šmat vytvorčaściaŭ za niejkija niaspłaty na drabniejšyja sumy.
Pra Kibalnikava pisali, što jon udzielnik niejkaj «vajennaj apieracyi», ale niezrazumieła, jakoj, bo biełarus nie mieŭ dačynieńnia da rasijskaj armii.
Jahonaj žoncy Alenie 43 hady. Jana rodam z Homiela. Paśla škoły pajechała vučycca ŭ Rasiju i skončyła Sučasnuju humanitarnuju akademiju ŭ Maskvie.
Alena žyvie ŭ Kamyšynie jak minimum z 2014 hoda. Niejki čas pracavała ŭ firmie muža «Nojeŭ Kaŭčeh», jakaja zajmajecca pieravozkami. Pa źviestkach «Ahienctva», u 2022 hodzie jana šukała pracu buchhałtarki. Apošnim časam Alena pracavała sakratarkaj u sudzie razam z tym samym zabitym sudździoj Viatłuhinym.
U joj taksama pieryjadyčna byli daŭhi — naprykład, u 2017-m na jaje ŭzbudzili vytvorčaść za nieapłačanyja $4300. Byli i bolš drobnyja vytvorčaści.
Viadoma, što para hadavała dačku, ale nieviadoma, ci heta sumiesnaje dzicia.
«Naša Niva» — bastyjon biełaruščyny
PADTRYMAĆCiapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam22
Kamientary