Łukašenka prapanavaŭ stvaryć chołdynh ź dziaržaŭnych i pryvatnych farmaceŭtyčnych pradpryjemstvaŭ
15 žniŭnia ŭ Minsku adbyłasia narada pa raźvićci bijafarmaceŭtyki z udziełam Alaksandra Łukašenki. Jon prapanavaŭ stvaryć adziny arhanizacyjny miechanizm, u jakim dziaržaŭnyja i pryvatnyja farmaceŭtyčnyja pradpryjemstvy mahli b pracavać razam na asnovie ahulnych intaresaŭ, piša BiełTA.
Na sustrečy prysutničali kiraŭniki Viciebskaha abłvykankama, Ministerstva achovy zdaroŭja, Ministerstva sielskaj haspadarki i charčavańnia, Kamiteta dziaržaŭnaha kantrolu, urada, administracyi Łukašenki, NAN Biełarusi, a taksama pradstaŭniki biznesu i navukovaj supolnaści.
Pieršapačatkova asnoŭny dakład pavinien byŭ zrabić staršynia Viciebskaha abłvykankama, bo hałoŭnaja ŭvaha nadavałasia pravalnaj pracy kampanii «BiełVitunifarm», jakaja dziejničaje ŭ Viciebskim rajonie. Adnak Łukašenka vyrašyŭ pašyryć hetuju temu pieradaŭ słova staršyni Prezidyuma NAN Uładzimiru Karaniku, jaki raniej uznačalvaŭ Ministerstva achovy zdaroŭja.
Abmiarkoŭvałasia, što ŭ chołdynh «Biełfarmpram» uvachodziać tolki vytvorcy miedycynskich preparataŭ, a vytvorcy vieterynarnych vakcyn padparadkoŭvajucca pieravažna Minsielhascharču.
I dziaržaŭnyja, i pryvatnyja pradpryjemstvy ciapier dziejničajuć asobna, što, pavodle Łukašenki, viadzie da niepatrebnaha dublavańnia vytvorčaściaŭ i kankurencyi.
Tamu jon zajaviŭ, što dziaržava maje rehulatarnyja instrumienty, ale, maŭlaŭ, zamiest «vykručvańnia ruk» treba abjadnoŭvać namahańni. Jon prapanavaŭ razhledzieć stvareńnie chołdynhu, jaki b uličvaŭ intaresy i dziaržaŭnych, i pryvatnych kampanij, ale pry hetym nibyta praźmierna ŭmiešvacca ŭ pracu biznesu nie płanujecca.
«U nas źjaviłasia kuča razroźnienych pradpryjemstvaŭ, jakija, moža być, i dublujuć vytvorčaści dziaržaŭnych. A moža być, niezrazumieła navošta kankurujuć potym na rynkach i inšaje. Čamu my nie možam stvaryć peŭny chołdynh, dzie byli b uličanyja intaresy i dziaržaŭnych, i pryvatnych [pradpryjemstvaŭ]?» — zajaviŭ Łukašenka.
Łukašenka raźnios padnačalenych za pravał u zapusku farmaceŭtyčnaha pradpryjemstva
U «Aziempika» źjaviŭsia surjozny kankurent. Amierykancy ŭžo čaściej kuplajuć mienavita hety preparat dla pachudzieńnia
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje1
Kamientary
Hł. moj kamientar pad papiarednaj navinoju pra pravał u pracy BiełVitunifarm