Zialenski: Treba spynić ahoń i pracavać nad mirnym pahadnieńniem. Kanstytucyja nie dazvalaje «handlavać ziamloj» — zdačy Danbasa nie budzie
Prezident Ukrainy Uładzimir Zialenski zajaviŭ, što pieršym krokam pavinna stać spynieńnie ahniu, paśla čaho nieabchodna pačać pracu nad finalnym mirnym pahadnieńniem. Jon taksama padkreśliŭ, što Ukraina praciahvaje kurs na dałučeńnie da Jeŭrasajuza.
Na sumiesnaj pres-kanfierencyi ŭ Brusieli z kiraŭnicaj Jeŭrakamisii Ursułaj fon der Lajen Zialenski ahučyŭ svaju pazicyju adnosna prapanoŭ, ahučanych Pucinym padčas pieramoŭ z Donaldam Trampam. Pavodle jaho słoŭ, terytaryjalnaje pytańnie pavinna abmiarkoŭvacca vyklučna pamiž lidarami Ukrainy i Rasii ŭ farmacie trochbakovaj sustrečy z udziełam ZŠA.
«U Pucina šmat patrabavańniaŭ, i my nie viedajem usich ź ich. Kali ich sapraŭdy tak šmat, jak my čuli, to spatrebicca šmat času, kab razhledzieć usie ź ich, i heta niemahčyma zrabić pad ciskam zbroi. My budziem havaryć pra heta ŭ Vašynhtonie», — skazaŭ Zialenski.
Prezident padkreśliŭ, što kanstytucyja Ukrainy robić niemahčymaj zdaču terytoryj abo «handal ziamloj». Jon adznačyŭ, što praca nad finalnym pahadnieńniem pavinna vieścisia chutka, adnak heta mahčyma tolki paśla poŭnaha spynieńnia ahniu.
«Zdačy Danbasa nie budzie»
Akramia taho, Zialenski nahadaŭ, što Rasija nie damahłasia pośpiechaŭ u Danieckaj vobłaści: «Za 12 hadoŭ Pucin nie zmoh jaje zachapić».
Asobna Zialenski padkreśliŭ, što nie źbirajecca sastupać Rasii rajony Danieckaj vobłaści, jakija nie kantralujucca rasijskimi vojskami. Jon nahadaŭ, što luboje abmierkavańnie terytaryjalnych pytańniaŭ moža adbyvacca tolki pamiž im i Pucinym.
Kali ž pieramovaŭ nie adbudziecca, prezident Ukrainy prapanavaŭ uvieści suprać Rasii novyja sankcyi.
«Nam patrebnyja realnyja pieramovy, a heta aznačaje, što jany mohuć pačacca z taho miesca, dzie ciapier prachodzić linija frontu. Linija sudakranańnia — najlepšy napramak dla pieramoŭ, i jeŭrapiejcy heta padtrymlivajuć, za što my ŭsim udziačnyja», — skazaŭ Zialenski.
Padtrymka ZŠA i ES
Zialenski taksama padziakavaŭ Donaldu Trampu za hatoŭnaść damahčysia harantyj biaśpieki dla Ukrainy. Jon nazvaŭ heta «važnym zrucham» i dadaŭ, što ciapier hałoŭnaja zadača dla ZŠA i Jeŭropy — dakładna vyznačyć, u jakim vyhladzie hetyja harantyi buduć zamacavanyja.
Ursuła fon der Lajen, u svaju čarhu, zajaviła, što vitaje harantyi biaśpieki, jakija ZŠA prapanujuć Ukrainie i jakija «nahadvajuć artykuł 5» (pra kalektyŭnuju abaronu ŭ statucie NATA). Na dumku kiraŭnicy Jeŭrakamisii Ukraina pavinna stać «stalnym vožykam, niezasvajalnym dla patencyjnych zachopnikaŭ».
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary
"rasijskaja armija macniej za ŭkrainskuju", " pamiraje šmat ukrainskich sałdat". Nie spracuje pucinski bot, tabie i tvajmu haspadaru adkaz u zahałoŭku naviny i inšaha nie budzie.